ভাৰতৰ যুৱক-যুৱতীসকলৰ মাজত দক্ষতাৰ ব্যৱধান দূৰ কৰিবলৈ আৰু নিয়োগযোগ্যতা বৃদ্ধিৰ বাবে এক উল্লেখযোগ্য পদক্ষেপ হিচাপে ৰাষ্ট্ৰীয় দক্ষতা উন্নয়ন নিগম(এনএছডিচি)-এ বিভিন্ন সম্প্ৰদায়ৰ সংযোগ আৰু নিযুক্তি প্লেটফৰ্ম আনষ্টপৰ সৈতে এক বুজাবুজিৰ চুক্তিত স্বাক্ষৰ কৰিছে। এই কৌশলগত অংশীদাৰিত্বৰ লক্ষ্য হৈছে কেৰিয়াৰৰ সুযোগ, মেণ্টৰশ্বিপ, প্ৰতিযোগিতা, পৰৱৰ্তী প্ৰজন্মৰ ভূমিকাভিত্তিক মূল্যায়ন আৰু দক্ষতাভিত্তিক ফিনিচিং পাঠ্যক্ৰমৰ এক বিস্তৃত পৰিৱেশ তন্ত্ৰৰ জৰিয়তে উদ্যোগৰ চাহিদাৰ সৈতে প্ৰতিভাক একাকাৰ কৰা।
এই সহযোগিতাৰ জৰিয়তে এনএছডিচি আৰু আনষ্টপে নিজৰ শক্তিসমূহ একত্ৰিত কৰি ভাৰতৰ যুৱক-যুৱতীসকলক সবলীকৰণ আৰু দেশৰ কৰ্মশক্তি শক্তিশালী কৰিব। ইয়াৰ জৰিয়তে সমগ্ৰ দেশৰ ছাত্ৰ-ছাত্ৰীসকলে নিজৰ দক্ষতা প্ৰদৰ্শন, দক্ষতাক তীক্ষ্ণ কৰা আৰু সঠিক কেৰিয়াৰৰ সুযোগ লাভ কৰাৰ সুযোগ মুকলি হ’ব।
এই সহযোগিতাৰ বিষয়ে আশাবাদ ব্যক্ত কৰি এনএছডিচিৰ মুখ্য কাৰ্যবাহী বিষয়া বেদমণি তিৱাৰীয়ে কয় যে, “আনষ্টপৰ সৈতে এই কৌশলগত অংশীদাৰিত্বৰ জৰিয়তে আমি ভাৰতত দক্ষতাৰ ব্যৱধান দূৰ কৰাৰ দিশত এক গুৰুত্বপূৰ্ণ পদক্ষেপ গ্ৰহণ কৰিছোঁ।” এই অংশীদাৰিত্ব সন্দৰ্ভত বক্তব্য ৰাখি প্ৰতিষ্ঠাপক তথা মুখ্য কাৰ্যবাহী বিষয়া অংকিত আগৰৱালে কয় যে, “আমি এই সহযোগিতাৰ কথা ঘোষণা কৰিবলৈ পাই আমি অতিশয় উৎসাহিত।” এই অংশীদাৰিত্বৰ উদ্দেশ্য হৈছে এক গুৰুত্বপূৰ্ণ প্ৰভাৱ সৃষ্টি কৰা, একত্ৰিত অফাৰৰ জৰিয়তে বছৰি লাখ লাখ শিক্ষাৰ্থীক সক্ষম কৰা আৰু এনএছডিচিৰ সমৰ্পিত প্লেটফৰ্মত আয়োজিত প্ৰতিযোগিতাত অংশগ্ৰহণকাৰীসকলক জড়িত কৰা।
