ৰাজস্থানৰ দৌছা জিলাত সংঘটিত হৈছে এই মৰ্মন্তিক ঘটনা। এটা বোৰৱেলত তিনিদিন ধৰি আৱদ্ধ হৈ থকাৰ ফলত এটি ৫ বছৰীয়া শিশুৰ মৃত্যু হয়। প্ৰায় ৫৬ ঘণ্টাৰ পিছত বুধবাৰে নিশা ১১.৪৫ বজাত আৰিয়নক বোৰৱেলৰ পৰা বাহিৰলৈ উলিয়াই অনা হৈছিল। কিন্তু ৰক্ষা কৰিব পৰা নগ’ল আৰিয়ন জীৱন। । সকলোৰে প্ৰচেষ্টা, প্ৰাৰ্থনাই নিদিলে কাম। নিয়তিৰ ওচৰত হাৰ মানিলে নিষ্পাপ শিশুটিয়ে। চিকিৎসালয়ত চিকিৎসকৰ এটা দলে মৃত ঘোষণা কৰে আৰিয়নক।ইফালে ৫ বছৰীয়া পুত্ৰৰ মৃতদেহ দেখি তিনিদিন ধৰি ভোকতুৰ হৈ থকা আৰিয়নৰ মাতৃ অচেতন হৈ পৰিল। এক শোকাকুল পৰিৱেশে বিৰাজ কৰিছে পৰিয়ালটোৰ মাজত।
