এডিলেড ওভালত অনুষ্ঠিত দ্বিতীয়খন টেষ্টত ভাৰতক দহ উইকেটত পৰাস্ত কৰি অষ্ট্ৰেলিয়াই বৰ্ডাৰ-গাভাস্কাৰ ট্ৰফী শৃংখলা ১-১ ত সমতা অৰ্জন কৰিছে। এই বিজয়ৰ সৈতে, অষ্ট্ৰেলিয়াই ২০২৩-২০২৫ আইচিচি বিশ্ব টেষ্ট চেম্পিয়নশ্বিপ ৰেংকিঙত শীৰ্ষ স্থান পুনৰ দখল কৰিছে। পেট কামিন্সৰ অধিনায়কত্বত দলটোৰ এতিয়া ভাৰত আৰু দক্ষিণ আফ্ৰিকাক অতিক্ৰম কৰি পইণ্ট শতাংশ ৬০.৭১ হৈছে। বৰ্তমানৰ বিশ্ব টেষ্ট চেম্পিয়নশ্বিপ চক্ৰত এইটো তেওঁলোকৰ নৱম জয়।
আনহাতে, ৰোহিত শৰ্মাৰ নেতৃত্বত ভাৰতীয় দলটো এই শোচনীয় পৰাজয়ৰ পিছত তৃতীয় স্থানলৈ অৱনমিত হৈছে। ভাৰতৰ পইণ্ট শতাংশ ৬১.১১ ৰ পৰা ৫৭.২৯ লৈ হ্ৰাস পাইছে। ভাৰতে এতিয়া ব্ৰিছবেন, মেলবৰ্ণ আৰু চিডনীত বাকী তিনিখন টেষ্ট মেচ জিকিব লাগিব। তেতিয়াহে অহা বছৰ লৰ্ডছত একেৰাহে তৃতীয়খন টেষ্ট চেম্পিয়নশ্বিপৰ ফাইনেলত উপনীত হোৱাৰ সুযোগ পাব পাৰে।
দক্ষিণ আফ্ৰিকাৰ পইণ্ট শতাংশ ৫৯.২৬ আৰু শ্ৰীলংকাৰ বিৰুদ্ধে চলি থকা ঘৰুৱা টেষ্টত শক্তিশালী স্থিতিত আছে। যদি তেওঁলোকে এই মেচখন জিকে, তেওঁলোকে ৰেংকিঙৰ শীৰ্ষত উপনীত হ’ব পাৰে। এডিলেড ওভালত খেলা দিবা-নৈশৰ টেষ্টৰ তৃতীয় দিনা পেট কামিন্সে এক সুন্দৰ বলিং প্ৰদৰ্শন আগবঢ়ায়, ১৪ অভাৰত ৫ টা উইকেট দখল কৰে আৰু ভাৰতক তেওঁলোকৰ দ্বিতীয় ইনিংছত মাত্ৰ ১৭৫ ৰানত অলআউট কৰে।
