নিছান মটৰ ইণ্ডিয়াই নতুন দিল্লীৰ সন্ত পৰমানন্দ চিকিৎসালয়ত স্মাইল ট্ৰেইন ইণ্ডিয়াৰ সৈতে কৰ্পৰেট সামাজিক দায়বদ্ধতা(চিএছআৰ) কাৰ্যসূচীৰ অধীনত সফলতাৰে শিশুৰ অস্ত্ৰোপচাৰ সম্পন্ন কৰি সেইসকল শিশু আৰু তেওঁলোকৰ পৰিয়ালৰ সৈতে আনন্দমুখৰ অনুষ্ঠানৰ আয়োজন কৰে। এই অনুষ্ঠানত নিছান মটৰ ইণ্ডিয়াৰ পৰিচালন সঞ্চালক সৌৰভ সৌৰভ বৎসৰ লগতে স্মাইল ট্ৰেইন ইণ্ডিয়াৰ প্ৰতিনিধি আৰু প্ৰখ্যাত প্লাষ্টিক চাৰ্জন ডাঃ এছ চি ছুদে অংশগ্ৰহণ কৰে আৰু দৰিদ্ৰ-পিছপৰা সম্প্ৰদায়ৰ এইসমূহ পৰিয়ালৰ শিশুসকলৰ ফটা ওঁঠ অস্ত্ৰোপচাৰ কৰিবলৈ দুয়োটা প্ৰতিষ্ঠানৰ যৌথ প্ৰচেষ্টাৰ বিষয়ে সকলোৰে সমুখত দাঙি ধৰে।
২০২৩ বিত্তীয় বৰ্ষৰ চতুৰ্থ ত্ৰৈমাসিকত নিছানে সহযোগিতা আগবঢ়াই ২৯০টি শিশুৰ ফটা ওঁঠ সফলতাৰে অস্ত্ৰোপচাৰ কৰি দৰিদ্ৰ পৰিয়ালকেইটাক উপকৃত কৰি তেওঁলোকৰ জীৱনলৈ অভূতপূৰ্ব পৰিৱৰ্তন আনিছিল। এই অস্ত্ৰোপচাৰসমূহ স্মাইল ট্ৰেইন ইণ্ডিয়াৰ অংশীদাৰ হাস্পতালসমূহত সম্পন্ন কৰা হৈছিল, এই অস্ত্ৰোপচাৰৰ জৰিয়তে আৰ্তজনৰ বাবে গুণগত যত্ন-সেৱা নিশ্চিত কৰা হৈছিল। এই অনুষ্ঠানত নিজৰ অভিমত প্ৰকাশ কৰি নিছান মটৰ ইণ্ডিয়াৰ পৰিচালন সঞ্চালক সৌৰভ বৎসই কয় যে, “স্মাইল ট্ৰেইন ইণ্ডিয়াৰ সৈতে আমাৰ সহযোগিতাই কৰ্পৰেট নাগৰিকত্ব, সামাজিক দায়বদ্ধতা আৰু অন্তৰ্ভুক্তিৰ প্ৰতি নিছানৰ দায়বদ্ধতাৰ উদাহৰণ দাঙি ধৰিছে আৰু এই পদক্ষেপে বহুজনৰ উপকাৰ সাধন কৰিছে।”
নিছান আৰু স্মাইল ট্ৰেইন ইণ্ডিয়াই এই লোকসকলৰ জীৱনলৈ পৰিৱৰ্তন আনি বিকলাঙ্গতা-প্ৰভাৱিত জীৱন হ্ৰাস কৰি স্বাভাৱিক জীৱন যাপনৰ বাবে অৰিহণা যোগাইছে। প্ৰতি বছৰে ভাৰতত জন্মতে মুখত বিসংগতি থকা বা ওঁঠ ফটা সমস্যা ক্লেফ্টছত প্ৰতি ৭০০টা কেঁচুৱা আৰু ৩৫,০০০+ শিশুৰ ভিতৰত এজন আক্ৰান্ত হয়। চিকিৎসা নোপোৱাৰ ফলত এইসকল শিশুৱে খোৱা-বোৱা, উশাহ লোৱা, শ্ৰৱণ আৰু কথা কোৱাত অসুবিধাৰ সন্মুখীন হয় আৰু সামাজিকভাৱে বিচ্ছিন্নতাৰ সন্মুখীন হয় অথবা মূলসুঁতিৰ সৈতে স্থান লাভ নকৰে। নিছানৰ সমৰ্থনে সমস্যাবহুল এই শিশুসকলৰ মুখলৈ হাঁহি ঘূৰাই অনাৰ লগতে এক নতুন জীৱন লাভ কৰাত সহায় কৰে, লগতে কলংকমুক্ত হৈ সামাজিক বিচ্ছিন্নতাৰ পৰা মুক্ত হৈ আগুৱাই যাব পাৰে।
