তৃণমূল কংগ্ৰেছৰ (টিএমচি) জ্যেষ্ঠ নেতা ডেৰেক অ’ব্ৰায়েনে শুকুৰবাৰে কয় যে পশ্চিম বংগৰ সকলো ৪২ খন লোকসভা আসন, অসমৰ কিছু আসন আৰু মেঘালয়ৰ এখন আসনত প্ৰতিদ্বন্দিতা কৰাৰ দলৰ স্থিতিত কোনো পৰিৱৰ্তন কৰা নাই। কংগ্ৰেছে শীঘ্ৰেই তৃণমূল কংগ্ৰেছৰ সৈতে আসন চুক্তি চূড়ান্ত কৰিব বুলি বাতৰি প্ৰকাশ পোৱাৰ মাজতে অ’ব্ৰাইনৰ এই বক্তব্য কৰিছে।
কংগ্ৰেছ আৰু মমতা বেনাৰ্জী নেতৃত্বাধীন তৃণমূল কংগ্ৰেছ বিৰোধী মহাজোট ‘ইণ্ডিয়া’ৰ অংশ। এপ্ৰিল-মে’ত অনুষ্ঠিত হ’বলগীয়া লোকসভা নিৰ্বাচনত ভাৰতীয় জনতা পাৰ্টি (বিজেপি) নেতৃত্বাধীন ৰাষ্ট্ৰীয় গণতান্ত্ৰিক মিত্ৰজোঁটৰ (এন ডি এ) সৈতে ঐক্যবদ্ধভাৱে মুখামুখি হ’বলৈ দুয়োটা দলে আসন ভাগ-বতৰা আলোচনা পুনৰ আৰম্ভ কৰিছে বুলি কোৱা হৈছিল ।
অৱশ্যে, ৰাজ্যসভাত তৃণমূল কংগ্ৰেছৰ নেতা অ’ব্ৰায়েনে কয়, “কেইসপ্তাহমান আগতে… পশ্চিম বংগৰ মুখ্যমন্ত্ৰী মমতা বেনাৰ্জীয়ে কৈছিল যে তৃণমূলে বংগৰ সকলো ৪২ খন আসনত প্ৰতিদ্বন্দিতা কৰিব। আমি মেঘালয়ৰ তুৰা আৰু অসমৰ কিছু লোকসভা আসনৰ কেইখনমান আসনত প্ৰতিদ্বন্দিতা কৰাৰ কথাও চিন্তা কৰি আছো। এই স্থিতিত কোনো পৰিৱৰ্তন হোৱা নাই।”
