ফ্ৰেন্স অ’পেনৰ কোৱাৰ্টাৰ ফাইনেলত কালি নিশা ন’ভাক জক’ভিচে কাৰেন খাচানভক পৰাস্ত কৰি অন্তিম চাৰিত নিজৰ স্থান সুৰক্ষিত কৰে। পুৰুষৰ একক খেলখনত ১১ তম স্থান প্ৰাপ্ত ৰাছিয়াৰ বিৰুদ্ধে প্ৰথম ছেটত পৰাজিত হোৱাৰ পিছত ছাৰ্বিয়াৰ তাৰকাজনে এক অত্যাশ্চৰ্য প্ৰত্যাৱৰ্তন কৰে আৰু ৪-৬, ৭-৬, ৬-২, ৬-৪ ব্যৱধানত জয়লাভ কৰে। খাচানোভে প্ৰথম ছেটত প্ৰাক্তন বিশ্বৰ এক নম্বৰ তাৰকাক পৰাজিত কৰিছিল কিন্তু জক’ভিচে তাৰ পিছত অভিজ্ঞতাৰ ভিত্তিত উভতি আহে আৰু কোনোমতে দ্বিতীয় ছেটটোত জয় লাভ কৰে। পৰৱৰ্তী দুটা ছেটত, এই তাৰকাজনে সুন্দৰ প্ৰদৰ্শন কৰে। মহিলা শাখাত, দ্বিতীয় স্থানপ্ৰাপ্ত আৰিয়ানা চাবালেঙ্কা আৰু কাৰোলিনা মুচোভাই তেওঁলোকৰ প্ৰথমখন ছেমি ফাইনেল টিকট সুৰক্ষিত কৰিবলৈ তেওঁলোকৰ নিজ নিজ মেচ জিকিছিল, য’ত দুয়োগৰাকী খেলুৱৈয়ে এতিয়া মুখামুখি হ’ব। চাবালেঙ্কাই য়েলিনা স্বিতোলিনাক ৬-৪, ৬-৪ ব্যৱধানত পৰাস্ত কৰে, আনহাতে অবাছাই মুচোভাই ২০২১ চনৰ ৰানাৰ্ছ-আপ আনাস্তাছিয়া পাভলিউচেঙ্কোভাক ৭-৫, ৬-২ ব্যৱধানত পৰাস্ত কৰি অন্তিম চাৰিত স্থান সুৰক্ষিত কৰে। দুয়োজন খেলুৱৈয়ে প্ৰথমবাৰৰ বাবে এই গ্ৰেণ্ড শ্লেমৰ ছেমি ফাইনেলত উপনীত হৈছে।
