সাধাৰণ বিজ্ঞান বিষয়ৰ হাইস্কুল শিক্ষান্ত পৰীক্ষাত অৱতীৰ্ণ হোৱা কমেও ৬ গৰাকী পৰীক্ষাৰ্থীক বৃহস্পতিবাৰে নকল কৰাৰ অভিযোগত বহিষ্কাৰ কৰা হৈছে।
জানিব পৰা মতে, মৰিগাঁও জিলাৰ মৈৰাবাৰীৰ এটা মাধ্যমিক বিদ্যালয়ৰ পৰীক্ষা কেন্দ্ৰত এই ঘটনা সংঘটিত হয়।
পৰীক্ষা হলত ছাত্ৰ-ছাত্ৰীসকলে নকল কৰা ধৰা পৰাৰ পিছতে পৰীক্ষা নিৰীক্ষকে ছাত্ৰ-ছাত্ৰী কেইজনক পৰীক্ষাত অৱতীৰ্ণ হোৱাত বাধা প্ৰদান কৰে।
উল্লেখযোগ্য যে মেট্ৰিক পৰীক্ষাৰ পুনৰ নিৰ্ধাৰিত সাধাৰণ বিজ্ঞান পৰীক্ষা, মাধ্যমিক শিক্ষা ব’ৰ্ড, অসম (ছেবা)ৰ উদ্যোগত আজি অনুষ্ঠিত হয়।
প্ৰশ্নকাকত ফাদিলৰ ঘটনাক লৈ সৃষ্টি হোৱা বিতৰ্কৰ পৰিপ্ৰেক্ষিতত পৰীক্ষাৰ সময়সীমা পুনৰ নিৰ্ধাৰণ কৰিবলগীয়া হৈছিল। সাধাৰণ বিজ্ঞান (চি ৩) বিষয়টোৰ প্ৰশ্নকাকত ফাদিল হোৱা বুলি জানিব পৰা গৈছে আৰু পৰীক্ষাৰ পূৰ্বে পৰীক্ষাৰ্থীৰ এটা অংশক উপলব্ধ কৰা হৈছিল।
এই খবৰৰ পিছতে ক্ষীপ্ৰ পদক্ষেপ গ্ৰহণ কৰি ছেবাই পৰীক্ষা বাতিল হোৱা বুলি জনাই এক অধিসূচনা প্ৰকাশ কৰে।
