আঘাতৰ বাবে ভাৰতৰ তাৰকা শ্বাটলাৰ পি ভি সিন্ধুৱে বিডব্লিউএফ ৱৰ্ল্ড ট্যুৰ ফাইনেলছৰ পৰা নাম প্ৰত্যাহাৰ কৰিছে। যি
যি হৈছে ছিজনৰ অন্তিম টুৰ্ণামেণ্ট। সিন্ধুৱে বাওঁ গোৰোহাৰ আঘাতৰ বাবে প্ৰতিযোগিতাখন নখেলাৰ সিদ্ধান্ত লৈছে। আগষ্টত কমনৱেলথ গেমছৰ সময়ত সিন্ধু আঘাতপ্ৰাপ্ত হৈছিল। দুবাৰৰ অলিম্পিক পদক বিজয়ী গৰাকী এতিয়াও আঘাতৰ পৰা সম্পূৰ্ণৰূপে আৰোগ্য হোৱা নাই। সিন্ধু ২০১৮ চনত বিডব্লিউএফ ৱৰ্ল্ড টুৰ ফাইনেলত চেম্পিয়ন হৈছিল। প্ৰতিযোগিতাখন ১৪ ডিচেম্বৰৰ পৰা চীনৰ গুয়াংঝৌত অনুষ্ঠিত হ’ব। সিন্ধুৰ পিতৃ পি ভি ৰমনাই আঘাতৰ বিষয়ে বৰ্ণনা কৰিছে। সিন্ধুৰ চিকিৎসকসকলে তেওঁক আৰু কেইদিনমান জিৰণি ল’বলৈ কৈছে। এইটোৱে তেওঁক পৰৱৰ্তী চিজনৰ বাবে সম্পূৰ্ণৰূপে ফিট কৰি তুলিব। পি ভি ৰমনাই আৰু কয়- সিন্ধুৱে সকলো দিশ বিবেচনা কৰিছিল। ইয়াৰ বাহিৰেও, এই মুহূৰ্তত গুয়াংঝৌত বহু প্ৰকাৰৰ নিষেধাজ্ঞা আছে। সিন্ধুৱে নতুন ছিজনৰ কথা মনত ৰাখি তেওঁ সিদ্ধান্ত লৈছে। তেওঁ দুসপ্তাহ আগতে প্ৰশিক্ষণ আৰম্ভ কৰিছিল। তেওঁ জানুৱাৰীৰ ভিতৰত সম্পূৰ্ণৰূপে ফিট হ’ব। এই সকলোবোৰ কথা মনত ৰাখি সিন্ধুৱে বেডমিণ্টন এছ’চিয়েচন অৱ ইণ্ডিয়ালৈ এখন পত্ৰ প্ৰেৰণ কৰি তেওঁৰ সিদ্ধান্তৰ বিষয়ে অৱগত কৰে। সিন্ধুৱে এই প্ৰতিযোগিতাৰ পৰা বাহিৰ হোৱাৰ লগে লগে, কেৱল এইচ.এছ. প্ৰণয়েহে এতিয়া প্ৰতিযোগিতাখনত ভাৰতক প্ৰতিনিধিত্ব কৰিব।
