নিউজিলেণ্ডে মঙলবাৰে কেন উইলিয়ামছনৰ নেতৃত্বত টি-২০ বিশ্বকাপৰ বাবে ১৫ জনীয়া দল ঘোষণা কৰে। ঘোষণা কৰা দলত আছে কিংবদন্তী বেটছমেন মাৰ্টিন গাপ্টিল, যি অভিলেখ সপ্তমবাৰৰ বাবে প্ৰতিযোগিতাখনত অংশগ্ৰহণ কৰিব। টি-২০ বিশ্বকাপ ১৬ অক্টোবৰৰ পৰা অষ্ট্ৰেলিয়াত অনুষ্ঠিত হ’ব। নিউজিলেণ্ডে যোৱা বছৰৰ টি-২০ বিশ্বকাপত খেলা দলটোত তিনিটা পৰিৱৰ্তন কৰিছে কিন্তু ৩৫ বছৰীয়া গাপ্টিলে দলত স্থান লাভ কৰিবলৈ সক্ষম হৈছিল। ফিন এলেন আৰু মাইকেল ব্ৰেছৱেলে প্ৰথমবাৰৰ বাবে ছিনিয়ৰ বিশ্বকাপত প্ৰতিদ্বন্দিতা কৰিব। কাইল জেমিচন, টড এষ্টল আৰু টিম চেইফাৰ্টৰ ঠাইত এই দুয়োজন খেলুৱৈ আৰু লকি ফাৰ্গুচনৰ নাম উল্লেখ কৰা হৈছে। শেহতীয়াকৈ কেন্দ্ৰীয় চুক্তি প্ৰত্যাখ্যান কৰা ট্ৰেণ্ট ব’ল্ট আৰু জিমি নিছামকো দলত অন্তৰ্ভুক্ত কৰা হৈছে।উইলিয়ামছনে তৃতীয়বাৰৰ বাবে আইচিচি টি-২০ বিশ্বকাপত নিউজিলেণ্ডক নেতৃত্ব দিব। নিউজিলেণ্ডে ২২ অক্টোবৰত ছিডনীত আয়োজক অষ্ট্ৰেলিয়াৰ বিৰুদ্ধে টি-২০ বিশ্বকাপত তেওঁলোকৰ প্ৰথমখন খেল খেলিব।
টি-২০ বিশ্বকাপৰ বাবে নিউজিলেণ্ডৰ দলঃ কেন উইলিয়ামছন (অধিনায়ক), টিম চাউদি, ইছ সোধি, মিচেল চেণ্টনাৰ, গ্লেন ফিলিপছ, জিমি নিছাম, ডেৰিল মিচেল, এডাম মিলনে, মাৰ্টিন গাপ্টিল, লকি ফাৰ্গুচন, ডেভন কনৱে, মাৰ্ক চেপমেন, মাইকেল ব্ৰেছৱেল, ট্ৰেণ্ট ব’ল্ট, ফিন এলেন।
