তৃতীয় স্থানৰ টিউনিছিয়াৰ অন্স জেবাৰ বৃহস্পতিবাৰে ইয়াত তাতিয়ানা মাৰিয়াৰ বিৰুদ্ধে সংঘৰ্ষপূৰ্ণ যুঁজত বিজয়েৰে গ্ৰেণ্ড শ্লেম টুৰ্ণামেণ্টৰ ফাইনেলত প্ৰৱেশ কৰা প্ৰথম গৰাকী আফ্ৰিকান মহিলা হৈ পৰে। তেওঁৱে প্ৰথমগৰাকী আফ্ৰিকান মহিলা যিয়ে উইম্বলডন মহিলা একক ফাইনেলত প্ৰৱেশ কৰে। টিউনিছিয়াৰ ২৭ বছৰীয়া জেবভুৰে চেণ্টাৰ ক’ৰ্টত অনুষ্ঠিত হোৱা ছেমি ফাইনেলত তেওঁক মাৰিয়াক ৬-২, ৩-৬, ৬-১ ব্যৱধানত পৰাস্ত কৰে। শনিবাৰৰ ফাইনেলত জেবাৰে ৰাছিয়াত জন্মগ্ৰহণ কৰা কাজাখস্তানৰ ১৭ তম শ্ৰেণীৰ এলিনা ৰিবাকিনাৰৰে মুখামুখি হ’ব। ৰেবাকিনাই ছেমি ফাইনেলত একপক্ষীয় মুখামুখি খেলত ৰোমানিয়াৰ চেম্পিয়ন চিমোনা হালেপক পোনপটীয়া ছেটত ৬-৩, ৬-৩ ত পৰাস্ত কৰে। জেবাৰৰ দৰে ৰেবাকিনাইও প্ৰথমবাৰৰ বাবে গ্ৰেণ্ড শ্লেমৰ ফাইনেলত প্ৰৱেশ কৰিছে। এইটো জেবাৰৰ একেৰাহে ১১ তম জয় আৰু তেওঁ তেওঁৰ অন্তিম ২৪ খন খেলৰ ২২ খনত জয় লাভ কৰিছে। উল্লেখ্য যে ১৯৬৮ চনত মেজৰ টেনিছ টুৰ্ণামেণ্টত প্ৰথম পেছাদাৰী খেলুৱৈসকলক অন্তৰ্ভুক্ত কৰাৰ পিছত কোনো আফ্ৰিকান মহিলাই ফাইনেলত প্ৰৱেশ কৰিবলৈ সক্ষম হোৱা নাই। তেওঁ এই যাত্ৰা কৰা প্ৰথম আৰৱ মহিলা।
জেবাৰে কয়, ‘ এই মুহূৰ্তত ইয়াত থিয় হৈ মই এগৰাকী টিউনিচিয়ান মহিলা খেলুৱৈ হিচাপে গৌৰৱান্বিত। মই জানো টিউনিছিয়াৰ জনতা নিশ্চয় পাগল হৈ গৈছে। মই যিমান পাৰো মানুহক অনুপ্ৰাণিত কৰিবলৈ চেষ্টা কৰিম। মই ভ্ৰমণটোত কেৱল টিউনিছিয়াৰ পৰাই নহয়, আৰৱ, আফ্ৰিকাৰ পৰাও অধিকসংখ্যক খেলুৱৈক চাব বিচাৰো।’
