দিনৰ বিয়লি বেলাৰ পৰা অহা মূষলধাৰ বৰষুণৰ ফলত হঠাৎ বাঢ়ি আহিছে ঢেকিয়াজুলিৰ ধীৰাই নৈৰ পানী। ধীৰাই নৈৰ বাঢ়নি পানীয়ে নিশাৰ ভাগতে বুৰালে ঢেকিয়াজুলিৰ ১ নং ওৱাৰ্ডৰ পথ তথা বহু বাস গৃহ। নিশা ১০ মান বজাত মূহুৰ্ততে মানুহৰ ঘৰৰ চোতালত হ’ল এক আঠু পৰ্যন্ত পানী। বিগত সময়চোৱাতো এই অঞ্চলত এনেদৰেই কৃত্ৰিম বানৰ সৃষ্টি হৈ আহিছে বুলি জনাইছে স্হানীয় ৰাইজে। বাৰম্বাৰ অনুৰোধ জনোৱাৰ পাছতো কোনো জনপ্ৰতিনিধি তথা ১ নং ওৱাৰ্ডৰ ওৱাৰ্ড কমিছনাৰ ত্ৰিদীপ নাথে কোনো গুৰুত্ব আৰোপ কৰা নাই বুলি উত্থাপন হৈছে এক গুৰুতৰ অভিযোগ।
