বুঢ়াচাপৰিত উচ্ছেদিত পৰিয়ালক সংস্থাপনৰ বাবে মৰিগাঁও জিলা প্ৰশাসন সষ্টম।
বুঢ়াচাপৰিত থকা মৰিগাঁও জিলাৰ প্ৰায় ২৭৭ টা পৰিয়ালক পুনঃ সংস্থাপনৰ ব্যৱস্থা কৰিবলৈ আজি মৰিগাঁও জিলা উপায়ুক্ত দেবাশীষ শৰ্মা আৰু জিলা আৰক্ষী অধীক্ষক হেমন্ত কুমাৰ দাসে লাহৰীঘাট ৰাজহ চক্ৰৰ অন্তৰ্গত মৈৰাবাৰীৰ নিকটৱৰ্তী ব্ৰহ্মপুত্ৰ নদীৰ চৰ সমূহ পৰিদৰ্শন কৰে।
এই উচ্ছেদিত পৰিয়াল সমূহক পুনঃসংস্থাপনৰ ব্যৱস্থাৰ বাবে প্ৰশাসনে কেইবাখনো চৰ পৰিদৰ্শন কৰি উচ্ছেদিত লোক সকলক মাটি দিয়াৰ আশ্বাস প্ৰদান কৰে।
আনহাতে মুখ্যমন্ত্ৰীৰ নিৰ্দেশ মৰ্মে মৰিগাঁও জিলাৰ উপায়ুক্ত গৰাকীয়ে মৰিগাঁও জিলাৰ উচ্ছেদিত পৰিয়াল সমূহৰ বাবে খাদ্যৰ ব্যৱস্থা কৰে।
