বিজনীত সন্দেহজনক বাৰ্মিজ চুপাৰী জব্দ । এজন লোকক আটক আৰক্ষীৰ ।চিৰাং জিলাৰ বিজনী আৰক্ষীৰ অভিযান। বিজনী আৰক্ষীয়ে এক গোপন খবৰৰ ভিত্তিত বিজনী টোলপ্লাজাত অভিযান চলাই জব্দ কৰে ৮ বস্তা সন্দেহজনক বাৰ্মিজ চুপাৰী । এখন AS 16B 4522 নম্বৰৰ মহিন্দ্ৰা জাইলো গাড়ীৰে শিলচৰৰ পৰা বিজনী অভিমুখে আহি থকা অৱস্থাত বিজনী আৰক্ষীয়ে এজন লোকক আটক কৰাৰ উপৰিও জব্দ কৰে চুপাৰী সমূহ । আটক কৰা লোক জনৰ নাম আব্বাছ আলী (৪২) বুলি জানিব পৰা গৈছে । ধৃত আব্বাছ আলীৰ ঘৰ চিৰাং জিলাৰ আমগুৰীৰ ৰাজপাৰাত বুলি জানিব দিয়ে ।
