দিব্যাংগ মঞ্চ অসমৰ দুই নেতা আৰক্ষীৰ জালত । অসম চৰকাৰৰ তৃতীয় আৰু চতুৰ্থ বৰ্গৰ চাকৰি দিয়াৰ নামত ধন সংগ্ৰহৰ অভিযোগ ।ৰাজ্যত চাকৰিৰ বজাৰ পতাৰ অভিযোগত গ্ৰেপ্তাৰ দুই অভিযুক্ত । ধৃত দুজন হৈছে দিব্যাংগ মঞ্চ অসমৰ নেতা ছেমিম আহমেদ আৰু নৱজিত বৰ্মন । অসম চৰকাৰৰ তৃতীয় আৰু চতুৰ্থ বৰ্গৰ চাকৰি দিয়াৰ নামত এই দুই নেতাই সংগ্ৰহ কৰিছিল লাখ লাখ টকা । টকা বিচাৰি ফোন কৰা কল ৰেকৰ্ডিং ভাইৰেল হৈছিল ।তাৰ পিছতেই ধন সংগ্ৰহ কৰাৰ অভিযোগ তুলি ৮ ফেব্ৰুৱাৰীত জনৈক কলিতা নামৰ এজন লোকে এজাহাৰ দাখিল কৰিছিল । সেই এজাহাৰৰ ভিত্তিত তদন্ত কৰি গোচৰ ৰুজু কৰা হৈছিল। এই গোচৰৰ ভিত্তিত দেওবাৰে নিশা বৰাগাঁৱৰ পৰা ছেমিম আহমেদ আৰু নৱজিত বৰ্মনক গ্ৰেপ্তাৰ কৰা হয় । লগতে এখন নতুন স্ক’ৰপিঅ’ বাহনো জব্দ কৰা হৈছে । ঘটনাটোৰ তদন্ত বৰ্তমানেওঅব্যাহত আছে বুলি আৰক্ষীয়ে উল্লেখ কৰিছে।
