প্ৰধান মন্ত্ৰীৰ ঘৰ ঘৰ কী পানী শ্লোগান টো লাহে লাহে বগা হাতীত পৰিণত হবগৈ নে কি ?
শিৱসাগৰ জনস্বাস্থ্য কাৰিকৰী বিভাগ তথা আমগুৰি সংমণ্ডলৰ অন্তৰ্গত কালুগাঁও আমতল বামুণগাঁও পানী যোগান আঁচনিৰ দূৰাৱস্থা দিশে ।
কেন্দ্ৰীয় চৰকাৰৰ অভিলাখী আঁচনি জল জীৱন মিচনৰ পয়ালগা অৱস্থা শিৱসাগৰত ।
যাৰ বাবে কালুগাঁও আমতল বামুণগাঁও পানী যোগান আচনিখনৰ ৰাইজে আজি ভালেমান দিন ধৰি পানী যোগানৰ পৰা বঞ্চিত হৈ হাহাকাৰ পৰিস্থিতিৰ সন্মুখীন হব লগা হৈছে ।
উক্ত আঁচনিখন নিৰ্মাণ কৰা কেইমাহমান নৌ হওঁতেই এনে অৱস্থা হবলগীয়া হোৱাটো অতি দুৰ্ভাগ্যজনক ।
আঁচনিৰ পৰিচালনা সমিতিয়ে বিভাগক বাৰম্বাৰ আপত্তি জনাই অহাৰ পিছতো বিভাগে কোনো গুৰুত্ব নিদিয়াৰ অভিযোগ উত্থাপন হৈছে ।
অহা ৭ দিনৰ ভিতৰত আঁচনিখন পুনৰ মেৰামতি কৰি পানীপোৱাৰ ব্যৱস্থা নকৰে অন্যথাই শ শ মহিলা ৰাজপথলৈ ওলাই আহিব বুলি স্থানীয় ৰাইজে জানিবলৈ দিয়ে ।
জল জীৱন মিচনৰ দ্বাৰা নতুনকৈ পানী যোগান আচনিৰ কাম কৰা হৈছিল যদিও ঠকাদাৰে অতি নিম্নমানৰ সামগ্ৰীৰে অতি নিম্নমানৰ কাম কৰাৰ পৰিণতিতে ৰাইজে এনে দুৰ্ভোগ ভুগিছে বুলি জানিবলৈ দিছে ।
কেন্দ্ৰীয় চৰকাৰৰ অভিলাখী আঁচনি জল জীৱন মিচন সম্পূৰ্ণৰূপে বগা হাতীত পৰিণত হৈছে অসমৰ বিভিন্ন স্থানত ।
