নিশা এজাক মুষলধাৰ বৰষুনৰ ফলত নগাঁৱৰ ৰূপহীহাটৰ ছাইদৰীয়াৰ পৰা গড়াজান অভিমুখে যোৱা গড়কাপ্তানি পথটোৰ যাতায়তৰ ব্যৱস্থা ব্যাহত হৈ পৰিছে।একাংশ অবৈধ পুখুৰীৰ গৰাকীয়ে অবৈধ ভাৱে ফিছাৰী খননৰ ফলত সৃষ্টি হৈছে কৃত্ৰিম বানৰ।গড়কাপ্তানী পথৰ কালভাৰ্ট দুই কাষে বন্ধ কৰি দিয়াত কৃত্ৰিম বানে আৱৰি ৰাখিছে ছাইদৰীয়াৰ পৰা গড়াজানলৈ যোৱা মূল পথছোৱা।অবৈধ ফিছাৰী সমূহ বন্ধ কৰিবলৈ জিলা প্ৰশাসনক কাতৰ আহ্বান আৰু অবৈধ পুখুৰীৰ মালিকৰ বিৰুদ্ধে প্ৰতিবাদ সাব্যস্ত কৰিছে স্থানীয় ৰাইজে।
