আজি সমগ্ৰ দেশে পালন কৰিছে পৰাক্ৰম দিৱস। এই দিৱস উপলক্ষে দেশৰ বিভিন্ন প্ৰান্তত বহু অনুষ্ঠানৰ আয়োজন হৈছে। লগতে বিভিন্ন জনে নেতাজীক জনাইছে শ্ৰদ্ধাঞ্জলি।২৬ জানুৱাৰীত সমগ্ৰ দেশে পালন কৰে গণৰাজ্য দিৱস। কিন্তু তাৰ পূৰ্বে ২৩ জানুৱাৰীত দেশে পালন কৰে পৰাক্ৰম দিৱস । এই দিৱসটো দেশৰ এগৰাকী সাহসী স্বাধীনতা সংগ্ৰামীৰ বীৰত্বৰ প্ৰতি উৎসৰ্গিত। এই দিনটো নেতাজী সুভাষ চন্দ্ৰ বসুৰ সৈতে জড়িত। পৰাক্ৰম দিৱস প্ৰতি বছৰৰ ২৩ জানুৱাৰীত পালন কৰা হয়। এই দিৱসৰ উদ্দেশ্য ভাৰতৰ স্বাধীনতা সংগ্ৰামত নেতাজীৰ অৱদানক সন্মান জনোৱা আৰু দেশপ্ৰেমৰ মনোভাৱ জাগ্ৰত কৰা।
