জুবিন গাৰ্গ বিহীন এটা মাহ। অসমৰ প্ৰাণৰ শিল্পী গৰাকী নোহোৱা হোৱা এই ৩০দিন অনুৰাগী সকলে কেনেকৈ পাৰ কৰিছে, তাক বহলাই কোৱাৰ প্ৰয়োজন নাই। ৰাজ্যৰ ভিন্ন প্ৰান্তত আজি আয়োজন কৰা হৈছে প্ৰিয় শিল্পীগৰাকীৰ মৃত্যুৰ এমহীয়া মাংগলিক অনুষ্ঠান।সোণাপুৰৰ জুবিন সমাধি ক্ষেত্ৰত পুৱতি নিশাৰে পৰা অসমৰ ভিন্ন প্ৰান্তৰ পৰা মানুহ আহি উপস্থিত হৈছেগৈ। ধুবুৰীৰ পৰা শদিয়াৰ লৈকে সকলো মানুহ বাছেৰেই আহিছে আজি জুবিন সমাধিক্ষেত্ৰলৈ। কোনোবাই বাছ ভাড়া কৰি আহিছে, কোনো আজি ঘৰৰ গাড়ীখন লৈ।
