উত্তৰ প্ৰদেশৰ কানপুৰ অঞ্চলত আৰক্ষীৰ বৰ্বৰতাৰ এটা ভিডিঅ’ পোহৰলৈ অহাৰ পিছতে পুনৰ যোগী প্ৰশাসনৰ ওপৰত প্ৰশ্নৰ উদয় হৈছে। এই ভিডিঅ’টোত এজন আৰক্ষীয়ে এজন লোকৰ ওপৰত লাঠিচালনা কৰা পৰিলক্ষিত হৈছে। আনহাতে এটি শিশুৱে সেই ব্যক্তিজনৰ কোলাত কান্দি থকা দেখা গৈছে। এই হৃদয় বিদাৰক দৃশ্যই এতিয়া প্ৰতিক্ৰিয়াৰ সৃষ্টি কৰিছে।
এক মিনিটতকৈও কম সময়ৰ এই ভিডিঅ’টোত আক্ৰমণৰ বলি হোৱা লোকজনে বাৰে বাৰে আৰক্ষীক শিশুটোক নামাৰিবলৈ অনুৰোধ জনায়। কিন্তু আৰক্ষীয়ে অলপো ভ্ৰূক্ষেপ নকৰি বৰ্বৰতাৰ যেন চৰম ৰূপ দেখুৱায়। ছ’চিয়েল মিডিয়াত ভাইৰেল হোৱা এই ভিডিঅ’টোৱে উত্তৰ প্ৰদেশ আৰক্ষীৰ তীব্ৰ সমালোচনাৰ সন্মুখীন হৈছে।
খবৰ অনুসৰি লাঠিচালনা কৰা এছএইচঅ’ক নিলম্বিত কৰা হৈছে। অৱশ্যে, আৰক্ষীয়ে স্পষ্ট কৰি দিছে যে আৰক্ষীৰ প্ৰহাৰৰ বলি হোৱা ব্যক্তিজন আৰু তেওঁৰ ভাতৃয়ে চিকিৎসালয়ত বিশৃংখলতাৰ সৃষ্টি কৰে।
বিজেপি সাংসদ বৰুণ গান্ধীয়েও বিষয়টো উত্থাপন কৰিছে। বৰুণে টুইট কৰি কয় যে শক্তিশালী আইন-শৃংখলা হৈছে য’ত দুৰ্বলসকলৰ ভিতৰত আটাইতকৈ দুৰ্বলসকলে ন্যায় পাব পাৰে। এয়া বৰ বেদনাদায়ক ঘটনা, যত ন্যায় বিচৰা সকলে ন্যায়ৰ পৰিৱৰ্তে এই বৰ্বৰতাৰ সন্মুখীন হয়। ভয়াতুৰ সমাজ আইনৰ শাসনৰ উদাহৰণ নহয়। শক্তিশালী আইন-শৃংখলা হৈছে য’ত আইনৰ ভয় থাকে, আৰক্ষীৰ নহয়।
উল্লেখ্য যে, জিলা চিকিৎসালয়ৰ কৰ্মচাৰীসকলৰ প্ৰতিবাদৰ বাবে আৰক্ষীয়ে লাঠিচাৰ্জ কৰিছিল। কৰ্মচাৰীসকলে চিকিৎসালয়খনৰ কাষত চলি থকা খননৰ প্ৰতিবাদ কৰি আছিল যিহেতু ইয়াৰ মাটি বতাহত উৰি আহি গোটেই চিকিৎসালয়খন ধূলিময় কৰি তোলে। কিন্তু ইয়াৰ মাজতে, শিশুটোৰ বাবে এজন পিতৃৰ ওপৰত আৰক্ষীয়ে গ্ৰহণ কৰা পদক্ষেপক লৈ গুৰুতৰ প্ৰশ্ন উত্থাপিত হৈছে।
ইফালে, এজন কৰ্মচাৰীয়ে ৰজনীশক প্ৰহাৰ কৰাৰ পিছত আৰক্ষী চকীলৈ লৈ যায়। এছডিএম বাগিশ শুক্লাই অভিযোগ কৰে যে কৰ্মচাৰীসকলে ৰাতিপুৱাৰে পৰা চিকিৎসালয়ত প্ৰদৰ্শন কৰি আহিছে। গেটবোৰ বন্ধ আছিল। সেইকাৰণে এজন কৰ্মচাৰী ৰজনীশ ধৰা হৈছে। এছডিএমেও এইটো কোৱাৰ পৰা আঁতৰি নাছিল যে লাঠী চাৰ্জ তাত একেবাৰে নাছিল।
প্ৰশাসনে অভিযোগ কৰিছে যে চিকিৎসালয়ৰ কৰ্মচাৰীৰ প্ৰতিবাদৰ বাবে ৰোগীসকলৰ সমস্যা হৈছিল। সেই ক্ষেত্ৰত, তেওঁলোকক অতৰোৱাটো প্ৰশাসন আৰু আৰক্ষীৰ দায়িত্ব আছিল। আৰক্ষীয়ে জনোৱা অনুসৰি, প্ৰতিবাদকাৰীসকলক আগতে আলোচনাৰ জৰিয়তে প্ৰত্যাহাৰ কৰিবলৈ কোৱা হৈছিল কিন্তু যেতিয়া কাম বোৰ সমাধান নহ’ল তেতিয়া লাঠিচাৰ্জ কৰা হয়। ইফালে, আৰক্ষীয়ে দৌৰি গৈ জিলা চিকিৎসালয়ৰ কৰ্মচাৰী নেতা ৰজনীশ শুক্লাক প্ৰহাৰ কৰে আৰু তেওঁক আৰক্ষীৰ ভানলৈ লৈ যায়।
