কেন্দ্ৰীয় ৰেল মন্ত্ৰণালয়ে কোটি কোটি ৰেল যাত্ৰীৰ সুৰক্ষা আৰু আসনৰ স্বচ্ছতা নিশ্চিত কৰিবলৈ এক নতুন পদক্ষেপ গ্ৰহণ কৰিছে। ইয়াৰ অধীনত, যদি কোনো যাত্ৰীয়ে নিজৰ নিৰ্ধাৰিত বৰ্ডিং ষ্টেচনত ৰেলত উঠিবলৈ নোৱাৰি, তেন্তে টি টি (টিকেট পৰ্যবেক্ষক)য়ে সেই যাত্ৰীৰ আসনটি বাতিল কৰিব। যোৱা বা চাৰ্ট প্ৰস্তুত হোৱাৰ মুহূৰ্তত যদি কোনো যাত্ৰী আসনত উপস্থিত নথকা পোৱা যায়, তেন্তে টি টি তৎক্ষণাত ‘নট টাৰ্ণ আপ’ বুলি এণ্ট্ৰি কৰাৰ ব্যৱস্থা কৰিছে।
এই ডিজিটেল ছফটৱেৰৰ জৰিয়তে খালী আসনৰ সঠিক ব্যৱহাৰৰ বাবে ৰেল তথ্য প্ৰণালী কেন্দ্ৰক কঠোৰ নিৰ্দেশ দিয়া হৈছে। এই পদক্ষেপৰ ফলস্বৰূপ, ৱেইটিং লিষ্ট আৰু আৰ এ চি টিকট থকা যাত্ৰীসকলে বিশেষ সুবিধা লাভ কৰিব। টি টি যেতিয়া আসন খালী হোৱাৰ তথ্য চিস্টেমত আপলোড কৰে, তেতিয়া সেই আসনটো স্বয়ংক্ৰিয়ভাৱে পৰৱৰ্তী যোগ্য যাত্ৰীজনৰ নামে আবণ্টিত হয় আৰু তেওঁক মোবাইললৈ কনফৰ্মেশ্যন মেছেজ প্ৰেৰণ কৰা হয়।
ৰেল বিশেষজ্ঞসকলৰ মতে, যাত্ৰীসকলে যাত্ৰাৰ ক্ষেত্ৰত অধিক সাৱধানতা অবলম্বন কৰা উচিত। যদি কোনো যাত্ৰীয়ে পূৰ্বৰ নিৰ্ধাৰিত ষ্টেচনৰ পৰিৱৰ্তে অন্য এটি ষ্টেচনৰ পৰা ৰেলত উঠিবলৈ বিচাৰে, তেন্তে তেওঁ আৱশ্যক ২৪ ঘণ্টা পূৰ্বে নিজৰ বৰ্ডিং ষ্টেচন সলনি কৰিব লাগিব। অন্যথা, আসন এবাৰ আন যাত্ৰীৰ নামত আবণ্টিত হ’লে, টি টিৰ ওচৰত পুনৰ সেই আসনখন দাবী কৰাৰ সুযোগ নাথাকিব।
এই শেহতীয়া পদক্ষেপটো ৰেলৱেয়াৰ আধুনিকীকৰণৰ দিশত শক্তিশালী এক সিদ্ধান্তৰ ৰূপে পৰিগৰ্ণ কৰা হৈছে। এই পদক্ষেপৰ জৰিয়তে আসন আবণ্টনৰ ক্ষেত্ৰত চলি অহা দুৰ্নীতি হ্ৰাস পোৱাৰ লগতে সমগ্ৰ প্ৰক্ৰিয়াটো অধিক ক্ষিপ্ৰ আৰু স্বচ্ছ হৈ পৰিব বুলি আশা কৰা হৈছে।
