কলিকতা উচ্চ ন্যায়ালয়ে বুধবাৰে ২০১০ চনৰ পিছত পশ্চিম বংগত জাৰী কৰা অন্যান্য পিছপৰা শ্ৰেণীৰ (অ’বিচি) প্ৰমাণপত্ৰ বাতিল কৰে। ইয়াৰ পিছতে মুখ্যমন্ত্ৰী মমতা বেনাৰ্জীয়ে কয় যে তেওঁৰ চৰকাৰে কলিকতা উচ্চ ন্যায়ালয়ৰ এই সিদ্ধান্ত গ্ৰহণ নকৰে আৰু উচ্চতৰ আদালতত প্ৰত্যাহ্বান জনাব। মুখ্যমন্ত্ৰী মমতা বেনাৰ্জীয়ে বুধবাৰে উত্তৰ ২৪ পৰগণা জিলাৰ হাৰদাহাৰ এখন ৰাজহুৱা সভাত ভাষণত এই কথা কয়।
এই সময়ছোৱাত তেওঁ কয়-মই কলিকতা উচ্চ ন্যায়ালয়ৰ এই আদেশ গ্ৰহণ নকৰো। শেহতীয়াকৈ, উচ্চ ন্যায়ালয়ে চৰকাৰী বিদ্যালয়সমূহত প্ৰায় ২৬ হাজাৰ চাকৰি বাতিল কৰিছিল। মই সেই আদেশটোও গ্ৰহণ কৰা নাছিলো। তেওঁ আৰু কয় যে মই অৰ্ডাৰ পাইছো আৰু এতিয়া মই খেলখন খেলিম।
মই কোনো নাম নলওঁ। মই নিশ্চিতভাৱে ক’ম যে আদেশটো বিজেপিৰ পক্ষত। গতিকে আমি ইয়াক গ্ৰহণ নকৰোঁ। ন্যায়াধীশ তপব্ৰত চক্ৰৱৰ্তী আৰু ৰাজশেখৰ মন্থাৰ বিচাৰপীঠে অ’বিচি প্ৰমাণপত্ৰ বাতিলৰ নিৰ্দেশ প্ৰদান কৰিছিল।
