ভাৰতীয়মূলৰ মহাকাশচাৰী সুনীতা উইলিয়ামছে নাছাৰ পৰা অৱসৰ গ্ৰহণ কৰিছে। নাছাত ২৭ বছৰ কাম কৰাৰ পিছত অৱসৰ গ্ৰহণ কৰিছে সুনীতাই। মঙলবাৰে নাছাই এই কথা ঘোষণা কৰি কয় যে, যোৱা বৰদিনৰ ঠিক পিছতেই ২০২৫ চনৰ ২৭ ডিচেম্বৰৰ পৰা তেওঁৰ অৱসৰ কাৰ্যকৰী হৈছিল। নাছাৰ প্ৰশাসক জেৰেড আইজাকমেনে কয় যে, “সুনীতা উইলিয়ামছে মহাকাশ অভিযানত অগ্ৰণী ভূমিকা লৈছিল। মহাকাশ কেন্দ্ৰত তেওঁৰ নেতৃত্বৰ জৰিয়তে তেওঁ অন্বেষণৰ ভৱিষ্যত গঢ় দিছিল ।”ভাৰতীয়মূলৰ মহাকাশচাৰী উইলিয়ামছে ১৯৯৮ চনত নাছাত যোগদান কৰিছিল আৰু তিনিখন বিমানেৰে মহাকাশত ৬০৮ দিন কটায়।
