৫২০ নং কেওঁটকুছি বালিকা প্ৰাথমিক বিদ্যালয়ত দিনজোৰা কাৰ্যসূচীৰে “নিপুণ অসম” ৰ অধীনত “শ্ৰেণীকোঠা পৰ্যবেক্ষণ আহিলা” অ’ৰিয়েন্টেচন অনুষ্ঠিত হয়। উক্ত অ’ৰিয়েন্টেচনত সভাপতিত্ব বৰপেটা শিক্ষা খণ্ডৰ খণ্ড সমল ব্যক্তি দ্বিজেন্দ্র কুমাৰ মিশ্ৰই। বুনিয়াদী স্বাক্ষৰতা আৰু সাংখ্যিকতা জিলা প্ৰালোচক মীনাক্ষী দাস, বৰপেটা ডায়েটৰ জেবিন চুলতানা আহমেদ আৰু বৰপেটা শিক্ষা খণ্ডৰ সমল ব্যক্তি চন্দন কুমাৰ দাসে পিপিটিৰ জৰিয়তে নিৰ্ধাৰিত বিষয় সন্দৰ্ভত নিজৰ বক্তব্য সুন্দৰকৈ উপস্থাপন কৰে৷
শ্ৰেণীকোঠা পৰ্যবেক্ষণৰ বাবে অসম চৰকাৰৰ শিক্ষা বিভাগে আগবঢ়োৱা এপ সন্দৰ্ভত প্ৰশিক্ষণ প্ৰদান কৰে কে,আৰ পি বাসৱ দত্ত দাসে। চেণ্ট্ৰেল স্কোৱেৰ ফাউণ্ডেচনৰ প্ৰ’জেক্ট মেনেজাৰ ছাবিনা লস্কৰে শ্ৰেণীকোঠা কেনেকৈ পৰ্যবেক্ষণ কৰিব লাগিব তাৰ বিষয়ে মণ্ডল সমল কেন্দ্ৰ সমন্বয়ক সকলক বিতংকৈ বুজাই দিয়ে।
উক্ত অ’ৰিয়েন্টেচনত উপস্থিত থাকি নিজৰ নিজৰ বক্তব্য আগবঢ়াই জিলা আঁচনি বিষয়া (শিক্ষক প্ৰশিক্ষণ) সীতাঙ্গ ডেকা আৰু জিলা আঁচনি বিষয়া (আই,ই) কিশোৰ ৰাজবংশীয়ে। সভাৰ আৰম্ভণিত বৰপেটা জিলাৰ বিদ্যালয়সমূহৰ উপ পৰিদৰ্শক সমৰ বৰুৱাও উপস্থিত আছিল।
