মণিপুৰত চলি থকা নিৰাপত্তাৰক্ষীৰ বিশেষ অভিযানত, পৃথক পৃথক স্থানৰ পৰা নিষিদ্ধ উগ্ৰপন্থী সংগঠনৰ তিনিজন সক্ৰিয় সদস্যক গ্ৰেপ্তাৰ কৰা হৈছে। শুকুৰবাৰে অনুষ্ঠিত অভিযানত এনআৰএফএম আৰু ইউএনএলএফৰ সদস্যবর্গক ধৰা পৰাৰ লগতে তেওঁলোকৰ পৰা মাৰণাস্ত্ৰ আৰু আপত্তিজনক সামগ্ৰী উদ্ধার কৰা হৈছে। ইম্ফল আন্তঃৰাষ্ট্ৰীয় বিমানবন্দৰৰ পৰা এনআৰএফএমৰ সক্ৰিয় সদস্য নিংথৌজাম নিংথৌগাম্বা মেইটেই গৰাকীক গ্ৰেপ্তাৰ কৰা হয়। তেওঁৰ পৰা এক ম’বাইল ফোন, পাৱাৰ বেংক আৰু বেগ উদ্ধার কৰা হৈছে। দ্বিতীয় অভিযানত, ইউএনএলএফৰ সদস্য ৱাহেংবাম প্ৰেমকুমাৰ সিং ওৰফে ডেম্বাকসহ তেওঁৰ সহযোগীক গ্ৰেপ্তাৰ কৰি, ৯ এম এম পিষ্টল আৰু মেগজিন উদ্ধাৰ কৰা হয়। ৰাজ্যখনৰ স্পৰ্শকাতৰ এলেকাসমূহত তালাচী অভিযান আৰু তহল অব্যাহত আছে, য’ত ১১৪ টা তালাচী চকীবিন্দু স্থাপন কৰা হৈছে। ৩৭ নং ৰাষ্ট্ৰীয় ঘাইপথেৰে অত্যাৱশ্যকীয় সামগ্ৰী কঢ়িয়াই নিয়া ১০২ খন বাহন নিৰাপত্তাৰক্ষীৰ পহৰাত সুৰক্ষিতভাৱে গন্তব্যস্থানলৈ পঠোৱা হৈছে।
