নামনি সোৱণশিৰি জলবিদ্যুৎ প্ৰকল্প বা এনএইচপিচি বিগ ডেম, যাক লৈ দীৰ্ঘদিন ধৰি চলি আহিছে প্ৰতিবাদ, এই নদীবান্ধৰ বিৰুদ্ধে হৈছিল ৰক্তাক্ষয়ী আন্দোলনো। কিন্তু তাৰ পাছতো এই নদীবান্ধ সম্পূৰ্ণ হৈ উঠিল। উত্তৰ অসমৰ বাবে এই নদীবান্ধ অভিশাপ হ’ব পাৰে বুলি বহুতেই শংকা প্ৰকাশ কৰিছিল। কিন্তু তাৰ পাছতো এই নদীবান্ধ নিৰ্মাণ কৰা হ’ল।এন এইচ পি চিয়ে কয় যে এই প্ৰকল্পৰ জৰিয়তে সমগ্ৰ দেশৰ ১৬খন হিতাধিকাৰী ৰাজ্যলৈ বিদ্যুৎ যোগান ধৰা হ’ব। ইয়াৰ উপৰিও অৰুণাচল প্ৰদেশ আৰু অসমে বিনামূলীয়া বিদ্যুৎ আৱণ্টন লাভ কৰিব, আনহাতে সামগ্ৰিকভাৱে উত্তৰ-পূৰ্বাঞ্চলে ১০০০ মেগাৱাট আৱণ্টনৰ দ্বাৰা লাভৱান হ’ব।
