ভাৰতীয় সেনাৰ উত্তৰ কমাণ্ডৰ কমাণ্ডাৰ লেফটেনেণ্ট জেনেৰেল উপেন্দ্ৰ দ্বিবেদীক সোমবাৰে সেনাৰ উপ-প্ৰধান হিচাপে নিযুক্তি দিয়া হয়। লেফটেনেণ্ট জেনেৰেল এম ভি সুচেন্দ্ৰ কুমাৰে উত্তৰ কমাণ্ডৰ মুৰব্বী লেফটেনেণ্ট জেনেৰেল উপেন্দ্ৰ দ্বিবেদীৰ স্থান ল’ব। উপেন্দ্ৰ দ্বিবেদী নেচনেল ডিফেন্স একাডেমীৰ প্ৰাক্তন ছাত্ৰ। দ্বিবেদীয়ে সেনাবাহিনীলৈ এক গুৰুত্বপূৰ্ণ অৱদান আগবঢ়াইছে।
১৯৮৪ চনত, লেফটেনেণ্ট জেনেৰেল উপেন্দ্ৰ দ্বিবেদীক জম্মু আৰু কাশ্মীৰ ৰাইফলছৰ ১৮ তম বেটেলিয়নত নিযুক্তি দিয়া হৈছিল। উপেন্দ্ৰ দ্বিবেদীয়ে বহুতো গুৰুত্বপূৰ্ণ পদত অধিষ্ঠিত হৈছে। কেৱল এয়াই নহয়, দ্বিবেদীকো বহুতো বঁটাৰে সন্মানিত কৰা হৈছে।
