ভাৰতীয় খো খো ফেডাৰেশ্যনে (কেকেএফআই) নতুন দিল্লীত ১৩ জানুৱাৰীৰ পৰা ১৯ জানুৱাৰী, ২০২৫ ৰ ভিতৰত অনুষ্ঠিত হ’বলগীয়া খো খো বিশ্বকাপৰ প্ৰথম সংস্কৰণৰ প্ৰচাৰৰ বাবে ভাৰতীয় চুপাৰষ্টাৰ ছলমান খানক ব্ৰেণ্ড এম্বেচেডৰ হিচাপে নিয়োগ কৰাৰ কথা ঘোষণা কৰে।
জৱাহৰলাল নেহৰু ষ্টেডিয়ামত অনুষ্ঠিত ৰাষ্ট্ৰীয় খেলুৱৈ প্ৰশিক্ষণ শিবিৰত সংবাদ মাধ্যমৰ সন্মুখত এই ঘোষণা কৰা হয়, য’ত কেকেএফআইৰ সভাপতি সুধাংশু মিত্তাল, সাধাৰণ সম্পাদক এম এছ ত্যাগীৰ লগতে ভাৰতীয় পুৰুষ আৰু মহিলা খেলুৱৈ আৰু প্ৰশিক্ষক উপস্থিত আছিল।
ছলমান খানে প্ৰথম খো খো বিশ্বকাপৰ এম্বেচেডৰ হিচাপে নিয়োগ কৰাৰ বাবে আনন্দ প্ৰকাশ কৰে, খেলখনৰ সৈতে তেওঁৰ ইতিহাসৰ কথা সোঁৱৰে।
