গৌহাটী বিশ্ববিদ্যালয়ে ২০২৫ চনৰ ১০ তাৰিখৰ পৰা ১১ ফেব্ৰুৱাৰীলৈ “ভাৰত-নেপাল সম্পৰ্কৰ শিপা: গুৰু মচিন্দ্ৰনাথৰ ওপৰত এক দৃষ্টিভংগী” শীৰ্ষক এখন দুদিনীয়া আন্তৰ্জাতিক আলোচনা চক্ৰৰ আয়োজন কৰা হৈছে ইয়াত ভাৰত আৰু নেপালৰ বিশিষ্ট পণ্ডিত আৰু বিশেষজ্ঞসকলক একত্ৰিত কৰি গুৰু মচিন্দ্ৰনাথৰ জীৱন আৰু অৱদানৰ জৰিয়তে দুয়োখন দেশৰ ঐতিহাসিক আৰু সাংস্কৃতিক সম্পৰ্কৰ বিষয়ে আলোচনা কৰা হ’ব। এই আলোচনা চক্ৰত মৎস্যন্দ্ৰনাথ, মচীন্দ্ৰনাথ, মীনানাথ, মিনাপা নামেৰেও পৰিচিত গুৰু মচিন্দ্ৰনাথৰ ঐতিহাসিক গুৰুত্ব আৰু আধ্যাত্মিক প্ৰভাৱ সম্পৰ্কে অন্বেষণ কৰা হ’ব। হিন্দু আৰু বৌদ্ধ উভয় পৰম্পৰাত পূজ্য মচিন্দ্ৰনাথ কামৰূপৰ বুলি জনবিশ্বাস আছে। কিংবদন্তি অনুসৰি খৰাংত আক্ৰান্ত নেপালত তেওঁৰ আগমনে বৰষুণৰ সৃষ্টি কৰিছিল বুলি উল্লেখ আছে।
এই আলোচনা চক্ৰৰ উদ্বোধনী অনুষ্ঠানত বশ অংশগ্ৰহণ কৰে ঃ
– মুখ্য অতিথি: গৌহাটী বিশ্ববিদ্যালয়ৰ উপাচাৰ্য অধ্যাপক ননী গোপাল মহন্ত
– মূল বক্তা: চিৰি বাবু মহাৰ্জন, মেয়ৰ, ললিতপুৰ মহানগৰ, নেপাল
– সন্মানীয় অতিথি: মাজুলী সাংস্কৃতিক বিশ্ববিদ্যালয়ৰ প্ৰাক্তন উপাচাৰ্য অধ্যাপক ডম্বৰুধৰ নাথ
– বিশিষ্ট অতিথি: অধ্যাপক বসন্ত সিন্দে, প্ৰাক্তন উপাচাৰ্য, ডেকান কলেজ, পুনে
আলোচনা চক্ৰৰ সমন্বয়ক ড. খগেন শৰ্মা, অধ্যাপক, গৌহাটী বিশ্ববিদ্যালয়ৰ এম আই এল আৰু এল এছ বিভাগ।
এই আলোচনা চক্ৰত মচিন্দ্ৰনাথৰ প্ৰভাৱ, কামৰূপৰ পৰা নেপাললৈ যোৱা যাত্ৰা, ভাৰত-নেপাল সম্পৰ্কৰ ঐতিহাসিক ভেটিৰ ওপৰত গৱেষণা পত্ৰ উপস্থাপন কৰা হ’ব। এই অনুষ্ঠানে দুয়োখন দেশৰ সাংস্কৃতিক আৰু ধৰ্মীয় ঐতিহ্যৰ ওপৰত অন্তৰদৃষ্টি প্ৰদান কৰিব।এই পদক্ষেপৰ জৰিয়তে সাংস্কৃতিক ও ধৰ্মীয় পৰম্পৰাৰ ওপৰত গুৰুত্ব আৰোপ কৰি ভাৰত আৰু নেপালৰ মাজত থকা চিৰস্থায়ী সম্পৰ্কক অধিক শক্তিশালী কৰাৰ ওপৰত গুৰুত্ব আৰোপ কৰা হব।
