নিউজিলেণ্ডৰ বিৰুদ্ধে তিনিখন খেলৰ ঘৰুৱা শৃংখলাত এক লজ্জাজনক পৰাজয়ৰ পিছত ভাৰত বিশ্ব টেষ্ট চেম্পিয়নশ্বিপ (ডব্লিউটিচি) তালিকাৰ শীৰ্ষস্থানৰ পৰা দ্বিতীয় স্থানলৈ অৱনমিত হয়। মুম্বাইত খেলা তৃতীয় টেষ্টত নিউজিলেণ্ডে ভাৰতক ২৫ ৰানত পৰাস্ত কৰে আৰু ৩-০ ত শৃংখলা দখল কৰে। ১৯৯৯-২০০০ চনৰ পিছত এইটো প্ৰথমবাৰৰ বাবে ভাৰতীয় দলটোক টেষ্টত ক্লিন চুইপ কৰা হৈছে। ইয়াৰ পূৰ্বে ভাৰতীয় দলটো দক্ষিণ আফ্ৰিকাৰ দ্বাৰা ২-০ত পৰাজিত হৈছিল। এইটো প্ৰথম বাৰৰ বাবে যে ভাৰতে কমেও তিনিখন খেলৰ শৃংখলাৰ সকলোবোৰ মেচ হেৰুৱাইছে। ডব্লিউটিচিৰ বৰ্তমান চক্ৰত এইটো ভাৰতৰ পঞ্চম পৰাজয়। যাৰ বাবে তেওঁৰ পইণ্ট শতাংশ (পিচিটি)ত এক ডাঙৰ হ্ৰাস হৈছিল।
দলটোৰ পইণ্টৰ শতাংশ ৬২.৮২ ৰ পৰা ৫৮.৩৩ লৈ হ্ৰাস পাইছে।এনেদৰে ভাৰত ডিফেণ্ডিং চেম্পিয়ন অষ্ট্ৰেলিয়াৰ পিছত দ্বিতীয় স্থানলৈ অৱনমিত হয়, যিয়ে ৬২.৫০ পিচিটিৰ সৈতে শীৰ্ষ স্থান সুৰক্ষিত কৰিছে। ভাৰতে এতিয়া পাঁচখন খেলৰ বৰ্ডাৰ-গাভাস্কাৰ ট্ৰফী খেলিবলৈ অষ্ট্ৰেলিয়ালৈ ৰাওনা হ’ব লাগিব। এই শৃংখলাটোৰ গুৰুত্ব এতিয়া আৰু অধিক বৃদ্ধি পাইছে কিয়নো দুয়োটা দলে শীৰ্ষ দুটা স্থানৰ বাবে প্ৰতিদ্বন্দিতা কৰিব। নিউজিলেণ্ড শৃংখলাৰ আগতে, ভাৰতক একেৰাহে তৃতীয়বাৰৰ বাবে ডব্লিউটিচি ফাইনেল খেলিবলৈ আটাইতকৈ ডাঙৰ প্ৰতিদ্বন্দী হিচাপে গণ্য কৰা হৈছিল। এতিয়া ভাৰতে অষ্ট্ৰেলিয়াৰ বিৰুদ্ধে চাৰিখন মেচ জিকিব লাগিব, যাতে ফাইনেলত স্থান সুৰক্ষিত কৰিব পাৰে।
এই চক্ৰত অষ্ট্ৰেলিয়াৰ সাতখন খেল বাকী আছে আৰু এই সাতখন খেলৰ ভিতৰত চাৰিখন জিকিব লাগিব। ভাৰতত নিউজিলেণ্ডৰ ঐতিহাসিক শৃংখলা জয়ে তেওঁলোকৰ ডব্লিউটিচি চূড়ান্ত আকাংক্ষাকো শক্তিশালী কৰিছে। নিউজিলেণ্ডে ৫৪.৫৫ পিচিটিৰ সৈতে চতুৰ্থ স্থানলৈ উন্নীত হৈছে, আনহাতে শ্ৰীলংকা ৫৫.৫৬ পিচিটিৰ সৈতে তৃতীয় স্থানত আছে। দক্ষিণ আফ্ৰিকা ৫৪.১৭ ৰ পিচিটিৰ সৈতে পঞ্চম স্থানত আছে।
