জেতুকা পাতৰ গুণা-গুণ জানেনে ? ছাল আৰু চুলিৰ বাবে ই কিমান উপকাৰী ?বিহুলৈ মাজত মাথো আৰু কেইটামান দিনহে বাকী ৷ সকলোতে এতিয়া মাথো চলিছে বিহু আদৰাৰ ব্যাপক প্ৰস্তুতি ৷ ৰঙালী বিহুৰ এই সময়ছোৱাত ব্যস্ত হৈ পৰিছে বিহুৱা নাচনীৰ পৰা আদি কৰি বৃদ্ধা-বনিতাও ৷জেতুকা পাতৰ বহু গুণাগুণ আছে ৷ জেতুকা পাত ছাল আৰু চুলি দুয়োটাৰ বাবেই উপকাৰী ৷ জেতুকা পাতৰ ৰং গাঢ় কৰিবৰ বাবে বহুতে তাত পান এখিলা, ডালিমৰ পাতো দিয়ে ৷ জেতুকা পাতৰ লগত এইকেইটা সামগ্ৰী ব্যৱহাৰ কৰি দুহাত লগায় যদি ভালদৰে এৰাতি কোমল কলপাতেৰে বান্ধি থয় তেন্তে হাতত খুব সুন্দৰ ৰঙ উঠে ৷ লগতে বহাগ বিহুৰ সময়ছোৱা নখত জেতুকা লগালে গোটেই বছৰটোত নখৰ কোনো ৰোগ নহয় বুলিও এক লোক বিশ্বাস আছে ৷ সেয়ে নখ যদি নিৰোগী কৰি ৰাখিব বিচাৰে তেন্তে জেতুকা লগাব পাৰে ৷জেতুকাই শৰীৰৰ বিভিন্ন সংস্থান(system)ত কাম কৰে। ই বেদনাস্থাপক, দাহপ্ৰশামক, কুষ্ঠঘ্ন,ব্রনোশোধক,ব্রনোৰোপক, মেধ্য, নিদ্রাজনন হিচাপে কাম কৰে।
গাঁঠিৰ বিষ, হাত- ভৰি জ্বলা পোৰা কৰা আদি ৰোগত জেতুকাৰ পাত বটি সেই স্থানত লেপ লগালে আৰাম পোৱা যায়।
বিভিন্ন ধৰণৰ চৰ্ম ৰোগত জেতুকাৰ পাত বটি লেপ লগালে সুফল পোৱা যায়।
জেতুকাৰ পাত পানীত উতলাই সেই পানীৰে কুলি কুলি কৰিলে মুখ আৰু ডিঙিৰ বিভিন্ন ৰোগ উপশম হয়।
শৰীৰৰ কোনো স্থান আঘাতপ্ৰাপ্ত হৈ ৰক্তস্ৰাৱ হলে আৰু ফুলি উঠিলে জেতুকাৰ প্ৰয়োগে সেই স্থানৰ বিষ, ৰক্তস্ৰাৱ আৰু ফুলি উঠা(swelling) নাইকিয়া কৰে।
চুলি সৰিলে আৰু মূৰত উফি হলে জেতুকাৰ পাত বটি মূৰত লগালে চুলি সৰা কমে আৰু উফিও নোহোৱা হয়।
