কেঁচা নহৰু আমাৰ শৰীৰৰ বাবে খুবেই উপকাৰী ৷ কিন্তু আপোনালোকে জানেনে ইউৰিক এচিড বা উচ্চ কলেষ্ট্ৰল ৰোগীৰ বাবে কেঁচা নহৰু কিমান উপকাৰী৷নহৰুৰ এন্টি-বেক্টেৰিয়েল, এন্টিঅক্সিডেন্ট আৰু এন্টি-ফাংগেল গুণে আমাৰ শৰীৰক ৰোগৰ বিৰুদ্ধে যুঁজ দিয়াত সহায় কৰে। নহৰুত কাৰ্বহাইড্ৰেট, ফছফৰাছ, ফাইবাৰ, প্ৰটিন, পটাছিয়াম, আইৰণ, ভিটামিন চি, বি ৬, মেংগানিজ, কেলচিয়াম, চেলেনিয়াম আদি পুষ্টিকৰ উপাদান থাকে।নহৰুৰ ব্যৱহাৰে যিকোনো ব্যঞ্জনকে কৰি তোলে মুখৰোচক। কিন্তু কেৱল সোৱাদ বৃদ্ধিয়েই নহৰুৰ একমাত্ৰ গুণাগুণ নহয়, খাদ্যৰ সোৱাদ বৃদ্ধি কৰাৰ লগতে নহৰু স্বাস্থ্যৰ বাবেও অত্যন্ত উপকাৰী। আচলতে কেঁচা নহৰু খালে আপুনি এই দুয়োটা সমস্যা নিয়ন্ত্ৰণ কৰিব পাৰে ৷ নহৰু এনেকুৱা বস্তু যিটো প্ৰতিটো ঘৰতে সহজে উপলব্ধ, যদিও নহৰুৱে যিকোনো খাদ্যৰ সোৱাদ বৃদ্ধি কৰাত সহায় কৰে, কিন্তু আয়ুৰ্বেদতো ইয়াৰ গুৰুত্বপূৰ্ণ স্থান আছে ৷নহৰুৱে অপকাৰী ক’লেষ্টৰলৰ পৰিমাণ হ্ৰাস কৰে ৷ তেজৰ নলীত চৰ্বি (Atheroma) জমা হ’ব নিদিয়ে ৷নহৰুৱে এচপ্ৰিনৰ দৰে কাম কৰে ৷ গতিকে নহৰুৱে ষ্ট্ৰোকৰ সম্ভাৱনা হ্ৰাস কৰে ৷উচ্চ ৰক্তচাপ কমোৱাত নহৰু সহায়ক ৷তেজ পৰিষোধক হিচাবে নহৰুৱে কাম কৰে ৷ইয়াৰ উপৰিও নহৰুৱে হজম শক্তিও উন্নত কৰে। সমান্তৰালভাৱে ওজন কমোৱাৰ ক্ষেত্ৰতো সহায়ক হয় নহৰু। সেয়ে এনে উপকাৰিতাৰ কথা বিবেচনা কৰি ৰাতি আমি নিশ্চয়কৈ এটুকুৰা নহৰু খাব লাগে। হজম শক্তিৰ লগত জড়িত যিকোনো সমস্যা থকা লোকে নহৰু খাবই লাগে।
