চুবুৰীয়া ৰাজ্য মিজোৰামৰ ম্যানমাৰ সীমান্তত ৩১ টা চোৰাং বিদেশী জীৱ-জন্তু উদ্ধাৰ হৈছে। অসম ৰাইফলছ আৰু বন বিভাগৰ যুটীয়া অভিযানত উদ্ধাৰ কৰা হৈছে এই বিদেশী জীৱ-জন্তু কেইটা।এই বিদেশী জীৱ-জন্তু সৰবৰাহৰ অভিযোগত তিনি গৰাকী ম্যানমাৰৰ চোৰাং ব্যৱসায়ীকো আটক কৰিছে অভিযানকাৰী দলটোৱে। ধৃত চোৰাং ব্যৱসায়ী কেইজনক থাউং ছুয়াংমুন, বিয়াক জাপিয়াং আৰু জেচি লালনুন মাৱিয়া বুলি চিনাক্ত কৰা হৈছে।জব্দ কৰা জীৱ-জন্তুসমূহৰ ভিতৰত ২৭ টা আফ্ৰিকান কাছ (African spurred tortoise),৩ টা পেটাগ’নিয়ান মাৰা, আৰু এডাল এলবিনো বাৰ্মিজ পাইথন। দেখাত শহাপহুৰ দৰে পেটাগোনিয়ান মাৰা জন্তবিধ সাধাৰণতে আৰ্জেণ্টিনাত পোৱা যায়।
