04
Oct
জম্মু-কাশ্মীৰৰ প্ৰাক্তন মুখ্যমন্ত্ৰী তথা পিপলছ ডেম’ক্ৰেটিক পাৰ্টিৰ মুৰব্বী মেহবুবা মুফতীয়ে বুধবাৰে (৪ অক্টোবৰ) পুনৰবাৰ কেন্দ্ৰীয় চৰকাৰক আক্ৰমণ কৰে। ইডি ভাৰতীয় জনতা পাৰ্টিৰ সোঁহাত হৈ পৰিছে আৰু বিৰোধী নেতাৰ বিৰুদ্ধে ইয়াক ব্যৱহাৰ কৰে বুলিও তেওঁ কয়। মুফতীয়ে অভিযোগ কৰে যে বিজেপিৰ বিৰোধী মিত্ৰজোঁট I.N.D.I.Aলৈ ভয় খাইছে। আম আদমী পাৰ্টিৰ সাংসদ সঞ্জয় সিঙৰ গোচৰত তেওঁ এই মন্তব্য কৰে মুফতীয়ে। মেহবুবা মুফতীয়ে বুধবাৰে জম্মুস্থিত পিডিপিৰ কাৰ্যালয়ত উপস্থিত হৈ কৰ্মীসকলক সাক্ষাৎ কৰে। তাত সংবাদ মাধ্যমৰ সৈতে কথা পাতি তেওঁ কয় যে বৰ্তমানৰ চৰকাৰখন প্ৰতিটো ফ্ৰণ্টতে ব্যৰ্থ হৈছে। তেওঁ কয়, ‘যুৱক-যুৱতীসকলক কৰ্মসংস্থাপন প্ৰদানৰ ক্ষেত্ৰত আৰু মুদ্ৰাস্ফীতিৰ সৈতে মোকাবিলা কৰাত বিজেপি ব্যৰ্থ হৈছে। বিষ সেৱনৰ পথত…
