পূৰ্বত্তৰ বিশেষ

গোৱালপাৰা জিলাৰ পাইকান সংৰক্ষিত বনাঞ্চলত বৃহস্পতিবাৰে বেদখল বিৰোধী অভিযানত নিৰাপত্তাৰক্ষী আৰু উচ্ছেদিত লোকৰ মাজত সংঘৰ্ষত কমেও এজন লোক নিহত হোৱাৰ লগতে আৰক্ষীকে ধৰি কেইবাজনো লোক আহত হয়। এজনবিষয়াই জনোৱা মতে, বনৰক্ষী আৰু আৰক্ষীক লাঠিৰে আক্ৰমণ কৰে অভিযুক্ত বেদখলকাৰীয়ে। এই লোকসকলে পাইকান সংৰক্ষিত বনাঞ্চলৰ এটা অংশ ঘেৰাও কৰিবলৈ গৈছিল, য’ত শনিবাৰে বেদখল বিৰোধী অভিযান চলোৱা হৈছিল।উচ্ছেদ কৰা লোকসকলে বনৰক্ষী আৰু আৰক্ষীৰ ওপৰতো শিলগুটি নিক্ষেপ কৰে বুলি বিষয়াগৰাকীয়ে জানিবলৈ দিয়ে। তেওঁ কয় যে পৰিস্থিতি নিয়ন্ত্ৰণৰ বাবে আৰক্ষীয়ে গুলীচালনা কৰিবলগীয়া হৈছিল, য’ত এজন লোকৰ মৃত্যু হোৱাৰ লগতে আন দুজন লোক আহত হয়। বিষয়াগৰাকীয়ে জানিবলৈ দিয়া মতে, শিলগুটি নিক্ষেপত কেইবাজনো আৰক্ষী আৰু বনকৰ্মী আহত…

আমেৰিকাৰ সাংবাদিকতাৰ ক্ষেত্ৰখনৰ সৰ্বোচ্ছ সন্মান পুলিৎজাৰ লাভ কৰিবলৈ সক্ষম হৈছে ভাৰতীয় মূলৰ দুগৰাকী সাংবাদিক মেঘা ৰাজাগোপালন আৰু নীল বেদীয়ে। এই অনুসন্ধানমূলক প্ৰতিবেদনত তেওঁ মুছলমান উইগুৰ আৰু অনান্য সংখ্যালঘু জাতিৰ লোকসকলৰ বাবে চীনে নিৰ্মাণ কৰা গণ ডিটেনচন কেম্পৰ ওপৰত আলোকপাত কৰিছিল। পুলিৎজাৰ ব’ৰ্ডে ইণ্টাৰনেট মিডিয়া বাজফিড নিউজৰ দুজন সহযোগীৰ সৈতে আন্তৰ্জাতিক প্ৰতিবেদন শ্ৰেণীত মেঘা ৰাজাগোপালনলৈ এই বঁটা আগবঢ়াইছে।

আইএএছৰ বাবে প্ৰস্তুতি শিক্ষাৰ্থীসকলক সহায়ৰ বাবে আগবাঢ়িছে চনু সুদ। অসামৰিক সেৱা পৰীক্ষাৰ (ইউপিএছচি) বাবে প্ৰস্তুতি কৰি থকা শিক্ষাৰ্থীসকলৰ বাবে প্ৰশিক্ষণ বৃত্তি দিয়াৰ সিদ্ধান্ত লৈছে। অভিনেতাজনে নিজেই এই তথ্য তেওঁৰ সামাজিক মাধ্যম একাউণ্টত পোষ্ট কৰিছিল। এক টুইটযোগে তেওঁ কয় যে আইএএছ পৰীক্ষাৰ বাবে প্ৰস্তুতি চলাই থকা শিক্ষাৰ্থীসকলক সহায় কৰিবলৈ তেওঁ এক নতুন আঁচনি আৰম্ভ কৰিছে।