Sonakshi Sarkar

পূৱ অসমৰ পাঁচখন জিলা আৰু মেঘালয়ৰ পশ্চিম গাৰো পাহাৰ জিলাত অৱস্থিত ৰেপিড ৰেচপন্স ইউনিট (আৰ আৰ ইউ)ৰ মুঠ ২৩৯ জন সদস্যক অঞ্চলটোৰ জৈৱ বৈচিত্ৰ্য সংৰক্ষণ সংস্থা আৰণ্যক আৰু ব্ৰিটিছ এছিয়ান ট্ৰাষ্টৰ সহায়ত জৈৱ বৈচিত্ৰ্য প্ৰত্যাহ্বান পুঁজি, ব্ৰিটেইনৰ দ্বাৰা ফিল্ড গিয়াৰ আৰু প্ৰাথমিক চিকিৎসা কিট প্ৰদান কৰা হৈছে । ৰেইনকোট, টুপী, জোতাকে ধৰি প্ৰাথমিক চিকিৎসা কিটকে ধৰি ক্ষেত্ৰ সঁজুলিসমূহ বাৰিষাৰ সময়ত আৰ আৰ ইউসমূহৰ নিযুক্তি দিয়া নিজ নিজ অঞ্চলত মানৱ হাতী সংঘাত প্ৰশমনৰ বাবে চলি থকা ধাৰাবাহিক প্ৰচেষ্টাত দক্ষতা বৃদ্ধিৰ বাবে যোগান ধৰা হৈছে। “আৰণ্যক আৰু ব্ৰিটিছ এছিয়ান ট্ৰাষ্টে হাতী মানুহৰ সংঘাত লাঘৱ কৰাৰ প্ৰচেষ্টাত স্থানীয় সম্প্ৰদায়ৰ সৈতে কাম কৰি তেওঁলোকক…

চৌধুৰীবজাৰ চামৰালি তিনিআলি মধ্য ইংৰাজী বিদ্যালয় পৰিচালনা সমিতিৰ সভাপতি স্বফিকুৰ ৰহমানৰ পৌৰহিত্যত হোৱা এক অনুষ্ঠানত অৱসৰপ্ৰাপ্ত প্ৰধানশিক্ষক গোলাম নবীক ৰাজহুৱা সম্বৰ্ধনা জনোৱা হয়৷ ১৯৯৪ চনত যোগদান কৰা এইগৰাকী শিক্ষকে সুদীৰ্ঘকাল চাকৰি কৰি এই বৰ্ষতেই চাকৰি জীৱনৰ পৰা অৱসৰগ্ৰহণ কৰে৷ আজি এক আৱেগিক পৰিৱেশত বিদায়ী ভাষণত তেওঁৰ জীৱনৰ বহুকথা কয়৷ তেওঁ ভাষণ প্ৰসংগত উকালতি কৰাৰ সপোন দেখা ছাত্ৰজনে বিজ্ঞান শিক্ষক হিচাপে সেৱা প্ৰদান কৰাৰ সুযোগ লাভ কৰা আঁৰৰ ব্যক্তিসকলৰ কৃতজ্ঞতা প্ৰকাশ কৰে৷এই অনুষ্ঠানত প্ৰাক্তন খণ্ড উন্নয়ন বিষয়া হোছেন আহমেদ, অৱসৰপ্ৰাপ্ত শিক্ষক আবু বক্কৰ, ইচহাক আলী, শিক্ষয়িত্ৰী ৰোচনাৰা বেগম, প্ৰতিভা চিনিয়ৰ চেকেণ্ডাৰী স্কুলৰ অধ্যক্ষ নাজিম উদ্দিন ,চৌধুৰীবজাৰ আৰ্টছ জুনিয়ৰ কলেজৰ অধ্যক্ষ আব্দুল…

দেশত অতি প্ৰয়োজনীয় তিনিখন নতুন ফৌজদাৰী আইন প্ৰৱৰ্তন হব৷ ভাৰতীয় নাগৰিক সুৰক্ষা সংহিতা,ভাৰতীয় ন্যায় সংহিতা ,ভাৰতীয় সাক্ষ্য অধিনিয়ম এই তিনি আইন সন্দৰ্ভত মোৰাঝাৰ আৰক্ষী থানাত এখন সজাগতা সভা হৈ যায়। আজিৰে পৰা সমগ্ৰ দেশতে পুৰনি IPC আইনৰ সলনি নতুন আইন বলবৎ হ'ব৷ এই উপলক্ষে দিনৰ ১১ বজাত আৰক্ষী থানা চৌহদত হোৱা  সজাগতা সভাত নতুন আইন সম্পৰ্কে ৰাইজক সজাগ কৰিবলৈ  হোজাই জিলা অতিৰিক্ত  আৰক্ষী অধীক্ষক ৰুপম বৰদলৈ উপস্থিত থাকি নতুন আইনৰ বিষয়ে  বিতংভাবে আলোচনা কৰে৷ সভাত মোৰাঝাৰ আৰক্ষী থানাৰ ভাৰপ্ৰাপ্ত বিষয়া পৰিদৰ্শক শশধৰ কলিতাই এই তিনি নতুন আইন সন্দৰ্ভত আলোকপাত কৰে৷সভাত থানাৰ নাগৰিক সমিতিৰ সভাপতি ওমৰ উদ্দিনকে ধৰি গাঁওৰক্ষী বাহিনীৰ বিষয়ববীয়া,…

চীনৰ সৈতে এক উত্তেজনাপূৰ্ণ সীমান্ত অচলাৱস্থাৰ মাজতে উত্তৰ কমাণ্ডৰ গুৰুত্বপূৰ্ণ আধুনিকীকৰণ কাৰ্যসূচীৰ নেতৃত্ব দিয়া বিষয়া জেনেৰেল উপেন্দ্ৰ দ্বিবেদীয়ে দেওবাৰে ভাৰতীয় সেনাৰ দায়িত্ব গ্ৰহণ কৰে। জেনেৰেল মনোজ পাণ্ডেৰ পৰা দায়িত্ব লোৱাৰ আগতে, তেওঁ এই বছৰৰ ফেব্ৰুৱাৰী মাহৰ পৰা সেনাৰ উপ-প্ৰধান আছিল আৰু শীৰ্ষ পদৰ বাবে স্বাভাৱিক দাবীদাৰ আছিল। মধ্য প্ৰদেশৰ বাসিন্দা দ্বিবেদীয়ে মধ্য প্ৰদেশৰ সৈনিক স্কুল ৰেৱাত অধ্যয়ন কৰিছিল আৰু ১৯৮১ চনৰ জানুৱাৰীত সন্মানীয় ৰাষ্ট্ৰীয় প্ৰতিৰক্ষা একাডেমীত (এন ডি এ) যোগদান কৰিছিল। ঘটনাক্ৰমে, দ্বিবেদী আৰু বৰ্তমানৰ নৌসেনা প্ৰধান এডমিৰেল দিনেশ ত্ৰিপাঠী বিদ্যালয়খনৰ সহপাঠী আছিল। ১৯৮৪ চনৰ ১৫ ডিচেম্বৰত জেনেৰেল দ্বিবেদীক জম্মু আৰু কাশ্মীৰ ৰাইফলছৰ ১৮ তম বেটেলিয়নত নিযুক্তি দিয়া হয়, যিটো…

ৰোহিত শৰ্মাৰ নেতৃত্বত ভাৰতীয় দলে টি-২০ বিশ্বকাপ দখল কৰে। ফাইনেলত ভাৰতে দক্ষিণ আফ্ৰিকাক ৭ ৰানত পৰাস্ত কৰে। একে সময়তে, এই বিজয়ৰ পিছত বিচিচিআইয়ে ভাৰতীয় দলৰ বাবে পুৰস্কাৰ হিচাপে ১২৫ কোটি টকা ঘোষণা কৰে। বিচিচিআইয়ে টি-২০ বিশ্বকাপ জিকা টীম ইণ্ডিয়াক ১২৫ কোটি টকা দিব। বিচিচিআইৰ সচিব জয় শ্বাহে টুইট কৰি এই ঘোষণা কৰে। বিচিচিআইৰ সচিব জয় শ্বাহে এটা টুইটযোগে লিখিছে- আইচিচি পুৰুষৰ টি-২০ বিশ্বকাপ জিকাৰ বাবে ভাৰতীয় দলটোৱে পুৰস্কাৰ হিচাপে ১২৫ কোটি টকা লাভ কৰিব বুলি ক'বলৈ পাই মই অত্যন্ত আনন্দিত।ভাৰতীয় দলটোৱে টি-২০ বিশ্বকাপত মহান খেলুৱৈ, প্ৰতিভা, সংকল্প আৰু খেলুৱৈৰ মনোভাৱ প্ৰদৰ্শন কৰিছিল। উল্লেখ্য যে ভাৰতীয় দলটোৱে টি-২০ বিশ্বকাপৰ ফাইনেলত দক্ষিণ…

বৰপেটা জিলা (পুৰুষ দল) দবা বাচনি প্ৰতিযোগিতাখন ৩০ জুন দিনৰ ১১ বজাত বৰপেটা জিলাৰ কলগাছিয়াৰ 'জ্যোতি-ৰাভা-নজৰুল সংঘ'ত অনুষ্ঠিত হ'ব। উল্লেখ্য যে, ২০২৪ বৰ্ষৰ ৰাজ্যিক সদৌ অসম আন্ত:জিলা দবা প্ৰতিযোগিতালৈ বৰপেটা জিলাৰ চাৰিজন নিৰ্বাচিত দবা খেলুৱৈ পঠাবলৈ বাচনি এই প্ৰতিযোগিতাখন কলগাগিছাত অনুষ্ঠিত হ'ব। বাচনি প্ৰতিযোগিতাখনত অবিভক্ত বৰপেটা জিলাৰ সকলো দবা খেলুৱৈয়ে যোগদান কৰিব পাৰিব। এই বাচনি দবা প্ৰতিযোগিতাৰ মাছুল ৩০০টকা। প্ৰতিযোগিতাখন চুইচ লীগ পদ্ধতিত অনুষ্ঠিত হ'ব। ইচ্ছুক দবা খেলুৱৈয়ে বি ডি চি এ'ৰ সভাপতি চন্দন কুমাৰ দাস আৰু আৰদশ আলি, সাধাৰণ সম্পাদক আৰদশ আলিৰ লগতে ৰাজ্যিক কাৰ্যনিৰ্বাহক পৰান্তপ সূত্ৰধাৰ চৌধুৰীৰ সৈতে যোগাযোগ কৰিব পাৰে। উল্লেখ্য যে, এইবাৰৰ পৰা বৰপেটা জিলা বাচনি…

ঐতিহ্যমণ্ডত বৰপেটা সত্ৰৰ মূল কীৰ্তন ঘৰৰ চালিৰ টিনপাত সলনি কামৰ  শুভাৰম্ভ কৰিলে মুখ্যমন্ত্ৰী ড° হিমন্ত বিশ্ব শৰ্মাই ৷ নলবাৰী অনুষ্ঠিত হোৱা কেবিনেট শেষ কৰি কালি বিয়লি ৫- ৩০ বজাত মুখ্যমন্ত্ৰী শৰ্মাই উপস্থিত হয় বৰপেটা সত্ৰত ৷ মুখ্যমন্ত্ৰীয়ে মহাপুৰুষ শ্ৰীশ্ৰীমাধৱদেৱৰ বাসগৃহৰ মঠৰ চোতালত আঠু লৈ সেৱা জনোৱাৰ পাছত সত্ৰৰ চৌদিশে এবাৰ পৰিভ্ৰমণ কৰে ৷ তাৰ পাছত সত্ৰৰ টুপৰ চোতালৰ পৰা এখন নতুন টিনপাত ওপৰলৈ তুলি দি কীৰ্তন ঘৰটোৰ টিনপাত সলনি কৰা প্ৰক্ৰিয়া আৰম্ভ কৰে ৷ উল্লেখ্য যে বৃন্দাৱনী বস্ত্ৰৰ জোখত নিৰ্মিত  ১২০ হাত দীঘল আৰু ৬০ হাত বহল সত্ৰৰ মূল কীৰ্তন ঘৰটোৰ টিনপাত সলনিৰ কৰাৰ বাবে চৰকাৰৰ পৰা ১  কৌটি টকাৰ…

অসম চৰকাৰৰ ভাষিক সংখ্যালঘু উন্নয়ন বোর্ডৰ উদ্যোগত ৰবীন্দ্র জয়ন্তী উপলক্ষে আয়োজিত নৃত্য প্রতিযোগিতাৰ 'ক' শাখাত ৰাজ্যৰ ১৯খন জিলাৰ প্রতিযোগী সকলৰ লগত প্ৰতিদ্বন্দ্ব্বিতা কৰি সাফল্য পালে উদীয়মান শিশু শিল্পী দিকভিয়ে। যোৱা ২১জুনত গুৱহাটিৰ শংকৰদেৱ কলাক্ষেত্রৰ মাধৱদেৱ স্মৃতি মঞ্চত 'ক' বিভাগৰ প্রতিযোগিতাত দিকভিয়ে নিবেদন কৰিছিল 'আকাশ জুৰে শুনি গো ' ৰবীন্দ্র সংগীতত নৃত্য। বৰপেটাৰোডৰ মিলন নগৰৰ বাসিন্দা প্রদ‍্যুৎ শর্মা আৰু হৈমন্তী শর্মাৰ কন্যা তথা মানাস ভেলি একাডেমিৰ শিক্ষার্থী দিকভিৰ সাফল্যত বৰপেটাৰোড কেন্দ্রীয় ৰবীন্দ্র স্মৃতি মঞ্চ, নেতাজি সুভাষ বসু ভাৱনা মঞ্চ,বিবেকানন্দ ভাৱ‌ প্রচাৰ সমিতি, মানাস দর্পণ পত্রিকা গোষ্ঠী,বৃহত্তৰ বৰপেটৰোড বাঙালী সমাজ, বৰপেটাৰোড প্রেছ ক্লাব ,স্পন্দন সাংস্কৃতিক গোষ্ঠী, জাকৈ এনজিওকে আদি কৰি বিভিন্ন দল…

টি-২০ বিশ্বকাপ ২০২৪ৰ ছেমি ফাইনেল খেলখনত টীম ইণ্ডিয়াই ইংলেণ্ডক পৰাস্ত কৰি ফাইনেলত প্ৰৱেশ কৰে। ভাৰতে খেলখন ৬৮ ৰানত জয় লাভ কৰে। ইয়াৰ সৈতে ভাৰতে ২০২২ চনৰ বিশ্বকাপৰ ছেমি ফাইনেলত পৰাজয়ৰ পোতক তোলে। দুবছৰ আগতে, ছেমি ফাইনেলত ইংলেণ্ডে টীম ইণ্ডিয়াক ১০ উইকেটত পৰাস্ত কৰিছিল। ১৭২ ৰানৰ লক্ষ্য অনুসৰণ কৰি ইংলেণ্ডৰ বেটছমেনসকলে কোনো ডাঙৰ অংশীদাৰী ত্বৰান্বিত কৰিব নোৱাৰিলে। ইংলেণ্ডৰ দলৰ আধা অংশ ৫০ ৰানৰ ভিতৰত আউট হয়, যাৰ পিছত টীম ইণ্ডিয়াৰ বিজয় মাত্ৰ এক আনুষ্ঠানিকতা আছিল। ইংলেণ্ডৰ দলটোৱে আনকি সম্পূৰ্ণ ২০ অভাৰ খেলিব নোৱাৰিলে আৰু ১০৩ ৰানত অলআউট হ'ল। কুলদীপ যাদৱ আৰু অক্ষৰ পেটেলে ভাৰতৰ হৈ সৰ্বাধিক উইকেট দখল কৰে, এই দুয়োজন…

চৌদি আৰৱত হজ যাত্ৰীসকলৰ মৃত্যুৰ সংখ্যা ক্ৰমান্বয়ে বৃদ্ধি পাইছে। শেহতীয়া তথ্য অনুসৰি, অত্যাধিক গৰমৰ ফলত এই বছৰ ১,৩০১ জন হজ যাত্ৰীৰ মৃত্যু হৈছে। দেওবাৰে চৌদিৰ স্বাস্থ্য মন্ত্ৰী ফাহাদ বিন আব্দুৰ ৰহমান আল-জালাজেলে কয় যে মৃত ১,৩০১ জনৰ ভিতৰত ৮৩ শতাংশ অকৰ্তৃত্বশীল তীৰ্থযাত্ৰী আছিল, যিসকলে পবিত্ৰ মক্কা আৰু ইয়াৰ আশে-পাশে হজৰ ৰীতি-নীতি পালন কৰিবলৈ প্ৰচণ্ড গৰমত দীঘলীয়া দূৰত্ব খোজ কাঢ়িছিল। ৰাজ্যিক টিভি আল এখবাৰিয়াৰ সৈতে বাৰ্তালাপ কৰি মন্ত্ৰীগৰাকীয়ে কয় যে ৯৫ জন তীৰ্থযাত্ৰীয়ে চিকিৎসালয়ত চিকিৎসা গ্ৰহণ কৰি আছে, যাৰ কিছুমানক ৰাজধানী ৰিয়াধত চিকিৎসাৰ বাবে বিমানেৰে লৈ যোৱা হৈছে। তেওঁ কয় যে চৌদিত তীৰ্থযাত্ৰীসকলৰ মৃত্যুৰ ভিতৰত চিনাক্তকৰণ আটাইতকৈ কঠিন কাম আছিল কিয়নো…