editor

ভাৰতীয় ক্ৰিকেটৰ মহোৎসৱ চলিত বৰ্ষৰ আই পি এলৰ আজি ফাইনেলত অৱৰ্তীন হব চেন্নাই চুপাৰ কিংছ আৰু কলকাতা নাইট ৰাইডাৰ্ছ। সন্ধিয়া ৭.৩০ বজাত ডুবাইৰ খেলপথাৰত অনুষ্ঠিত হব IPL ছিজন ১৪ৰ চূড়ান্ত খেলখন। এই খেলখনক লৈ বহু প্ৰত্যাশাৰে ৰৈ আছে ক্ৰিকেট অনুৰাগীসকল। উল্লেখ্য যে, ফাইনেলত অৱতীৰ্ণ হ'ব লগা দুয়োটা দলে পূৰ্বে আইপিএল ফাইনেল খিতাপ দখল কৰিছে। ৮ বাৰকৈ আইপিএলৰ চূড়ান্ত খেলত অৱতীৰ্ণ হৈ ৩বাৰ ফাইনেল দখল কৰিছে মহেন্দ্ৰ সিং ধোনী নেতৃত্বাধীন চেন্নাইৰ দলটোৱে। ইয়াৰ বিপৰীতে দুবাৰকৈ আইপিএল ফাইনেল দখল কৰিছে কলকাতা নাইট ৰাইডাৰছে।

গুৱাহাটীঃ আজি মহানগৰীত বন্ধ থাকিব সুৰাৰ বিক্ৰী আৰু ক্ৰয়। বিজয়া দশমী উপলক্ষে আজিৰ দিনটো ড্ৰাই ডে' ঘোষণা কৰিছে অসম আবকাৰী বিভাগে। দশমী উদযাপনৰ প্ৰতি লক্ষ্য ৰাখি আজি কামৰূপ মেট্ৰ'পলিটিয়ান জিলাত বাৰ আৰু সুৰাৰ দোকান বন্ধ ৰখা হ'ব। ড্ৰাই ডে' উলংঘা কৰা বিক্রেতা আৰু ক্রেতাৰ বিৰুদ্ধে কঠোৰ আইনী ব্যৱস্থা গ্ৰহণ কৰা হব বুলি সকীয়নী প্ৰদান কৰিছে আবকাৰী বিভাগে। দশমীৰ দেৱী বিসৰ্জনৰ সময়ত যাতে কোনো অপ্ৰীতিকৰ পৰিস্থিতিৰ সৃষ্টি নহয়, তাৰ প্ৰতি লক্ষ্য ৰাখি এই ড্ৰাই ডে' ঘোষণা কৰা হৈছে।

কোৰোনা মহামাৰীক লৈ একেৰাহে দ্বিতীয় দিনৰ বাবে সকাহ পোৱা গৈছে। বুধবাৰে স্বাস্থ্য মন্ত্ৰালয়ৰ শেহতীয়া তথ্য অনুসৰি, যোৱা ২৪ ঘণ্টাত ভাৰতত ১৮-,৮৭০ জন লোক নতুনকৈ কোৰোনাত আক্ৰান্ত হৈছে। এই সময়ছোৱাত ৩৭৮ জন কোভিড ৰোগীৰ মৃত্যু ঘটে। আনহাতে, এই সময়ছোৱাত ২৮,১৭৮ জন লোক আৰোগ্য হৈছে। বৰ্তমান ভাৰতত 2,৮২,৫২০ জন সক্ৰিয় কোৰোনা ৰোগী আছে। যোৱা তিনিদিনৰ পৰিসংখ্যা অনুসৰি ভাৰতত মঙলবাৰে ১৮,৭৯৫ জন লোক কোৰোনাত আক্ৰান্ত হৈছিল আৰু ১৭৯ জনৰ মৃত্যু ঘটিছিল। ইয়াৰ পূৰ্বে সোমবাৰে আক্ৰান্তৰ সংখ্যা আছিল ২৬,০৪১ জন আৰু ২৭৬ জনৰ কোভিডৰ ফলত মৃত্যু ঘটিছিল। ভাৰতত ক্ৰমাগতভাৱে হ্ৰাস পোৱা কোভিড সংক্ৰমণে উৎসৱৰ বতৰত দেশবাসীক কিছু সকাহ দিছে।

পুনৰ এবাৰ বাতৰিৰ শিৰোনাম দখল কৰিছে ষ্টেণ্ড আপ কমেডিয়ান মুনৱৱাৰ ফাৰুকীয়ে। জনপ্ৰিয় কমেডিয়ান গৰাকীৰ গুজৰাট ভ্ৰমণৰ পূৰ্বে এইবাৰ বজৰংগ দলৰ দ্বাৰা ভাবুকিৰ সন্মুখীন হৈছে। বজৰং দলে মুনৱৱাৰ ফাৰুকীক তেওঁৰ গুজৰাট ভ্ৰমণৰ পূৰ্বে কোনো কমেডি অনুষ্ঠানত অংশগ্ৰহণ নকৰিবলৈ সতৰ্ক কৰি দিছে। মুনৱৱাৰে অক্টোবৰৰ প্ৰথম সপ্তাহত গুজৰাটৰ বিভিন্ন চহৰত কেইবাটাও অনুষ্ঠান অনুষ্ঠিত কৰাৰ কথা আছে। কিন্তু বজৰং দলে তাৰ আগতে প্ৰতিবাদ আৰম্ভ কৰিছে। গুজৰাট বজৰং দলৰ নেতা জোৱালিত মেহতাই মুনৱৱাৰ ফাৰুকীক এটা ভিডিঅ' টুইট কৰি সকীয়নী প্ৰদান কৰিছে। ভিডিঅ'টোত তেওঁ কয়, "তেওঁ তেওঁৰ কামৰ দ্বাৰা হিন্দু ধৰ্মক অৱমাননা কৰিছে, তেওঁ তেওঁৰ কৌতুকৰ দ্বাৰা হিন্দু ধৰ্মীয় অনুভূতিক আঘাত কৰিছে। কিন্তু বজৰং দল এই…

অভিনেতাৰ ৰূপত অনুৰাগীৰ মাজলৈ আহিছে প্ৰাক্তন ক্ৰিকেটাৰ হৰভজন সিং। যোৱা শুকুৰবাৰে মুক্তিলাভ কৰা 'ফ্রেণ্ডশ্বিপ' নামৰ তামিল ছবিখনত অভিনেতাৰ ৰূপত আত্মপ্ৰকাশ কৰিছে হৰভজন সিঙে। ক্ৰীড়া আৰু হস্যৰসৰ সন্মিলিত 'ফ্রেণ্ডশ্বিপ'ত এক গুৰুত্বপূৰ্ণ চৰিত্ৰত অভিনয় কৰিছে প্ৰাক্তন ক্ৰিকেটৰগৰাকীয়ে। ছবিখনৰ কিছু একশ্যন আৰু নৃত্যতো নিজৰ অভিনয় প্ৰতিভা প্ৰকাশ কৰিছে তেওঁ। উল্লেখ্য যে, ইয়াৰ পূৰ্বে ছলমান খান, অক্ষয় কুমাৰ অভিনীত "মুজচে ছাদি কৰোগী" ছবিতো ভুমুকি মাৰিছিল হৰভজন সিঙে। কিন্তু এইবাৰ ডাঙৰ পৰ্দাত দীঘলীয়া সময়ৰ বাবে অভিনয় কৰিবলৈ সুযোগ লাভ কৰিছে তেওঁ।

ডুবাইট অনুষ্ঠিত হ'ব লগা টি-২০বিশ্বকাপৰ পিছতে অধিনায়কৰ দায়িত্ব এৰিব বিৰাট কোহলীয়ে। ভাৰতীয় ক্ৰিকেট দলৰ তিনিওটা ফৰ্মেটৰ অধিনায়ক গৰাকীয়ে এই কথা ঘোষণা কৰিছে। কোহলীয়ে ঘোষণা কৰা মতে তেওঁ টি-২০ ফৰ্মেটৰ অধিনায়কৰ দায়িত্ব এৰিলেও আন দুটা ফৰ্মেটত দায়িত্ব পালন কৰি যাব। আনহাতে বিৰাট কোহলীৰ পিছত টি-২০ ফৰ্মেটৰ অধিনায়কৰূপে ৰোহিত শৰ্মাৰ নাম চৰ্চালৈ আহিছে।

চনী ইণ্ডিয়াই বিজেড শৃংখলাৰ সৈতে ব্ৰাভিয়া পেছাদাৰী প্ৰদৰ্শন মুকলি কৰিছে। স্ক্ৰীণৰ আকাৰ ৪৩ৰ পৰা ১০০ ইঞ্চিলৈকে হোৱাৰ সৈতে, বিজেড শৃংখলাটো সুন্দৰ চিত্ৰ প্ৰচেছৰৰ সৈতে সজ্জিত, সহজ সঞ্চালন, বিস্তৃত একত্ৰীকৰণ বিকল্প আৰু নিম্ন মালিকীস্বত্ব ব্যয়ৰ সৈতে উন্নত ছবিৰ মানদণ্ড প্ৰাপ্ত কৰে। বিল্ট-ইন এণ্ড্ৰইড অ'এছ চিষ্টেমৰ সৈতে চিপ (এছ.ও.চি.) প্লেটফৰ্মত এক শক্তিশালী নতুন চিষ্টেম গৌৰৱান্বিত কৰি, বিজেড শৃংখলাটোৱে ব্যৱহাৰৰ দক্ষ সহজতা, দ্ৰুত বুট-আপ আৰু বিজোড় এপ্লিকেচন একত্ৰীকৰণৰ বাবে এক উন্নীত আন্তঃপৃষ্ঠ প্ৰদান কৰে। চনি ইণ্ডিয়াৰ মেনেজিং ডাইৰেক্টৰ শ্ৰীযুত সুনীল নায়াৰে কয়, "নতুন সামগ্ৰীৰ শ্ৰেণীটোৱে আমাৰ সমৃদ্ধ ডিজাইন ঐতিহ্যৰ উদাহৰণ দিয়ে, অত্যাধুনিক প্ৰযুক্তি আৰু কাৰুশিল্পএকত্ৰিত কৰি সৰ্বশ্ৰেষ্ঠ বিচৰা কৰ্পোৰেট গ্ৰাহকসকলৰ বাবে অত্যাশ্চৰ্য প্ৰদৰ্শন…

শুকুৰবাৰে নিশা মহানগৰীৰ শিলপুখুৰীত বালি কঢ়িওৱা ট্ৰাকৰ খুন্দাত নিহত হয় এজন যুৱকৰ। জানিব পৰা মতে, নিশা প্ৰায় ১১ বজাত ফাৰ্মাচীৰ পৰা উভতি অহাৰ পথত ৰঞ্জন বৈশ্য নামৰ যুৱকজনৰ স্কুটিখনত প্ৰচণ্ড জোৰে খুন্দা মাৰে AS-01DD-1252 নম্বৰৰ ট্ৰাক খনে। এই দুৰ্ঘটনাত যুৱকজন গুৰুত্বৰভাৱে আহত হয়। পিছত চিকিত্সালয়লৈ নিয়া হয় যদিও চিকিৎসকে মৃত ঘোষণা কৰে। নিহত যুৱকজনৰ ঘৰ বাক্সা জিলাৰ তামূলপুৰত আছিল বুলি জানিব পৰা গৈছে। প্ৰত্যক্ষদৰ্শীৰ মতে ট্ৰাকখনৰ চকাত সোমাই বহুদুৰ চুচৰি গৈছিল স্কুটি আৰোহী গৰাকী। ইফালে দুৰ্ঘটনা সংঘটিত কৰা ট্ৰাকখন জব্দ কৰিছে আৰক্ষীয়ে।