Dipshikha

গৰীয়াবৰী উপ স্বাস্থ্যকেন্দ্ৰত ভয়ংকৰ কেলেংকাৰী।চাৰি বছৰ ধৰি জালিয়াতিৰ চহীৰে চলি আছে কাম কাজ।উল্লেখযোগ্য যে মৰিগাঁও জিলাৰ মৈৰাবাৰী চিকিৎসালয়ৰ অন্তৰ্গত গৰীয়াবৰী উপ স্বাস্থ্যকেন্দ্ৰত এক ভয়ংকৰ দুৰ্নীতিৰ কথা পোহৰলৈ আহিছে।অভিযোগ অনুসৰি-চাৰি বছৰ পূৰ্বে গৰীয়াবৰী গাঁও পঞ্চায়তৰ প্ৰাক্তন সভানেত্রী হিচাপে ফৰিদা বেগমে অঞ্চলটোত অৱস্থিত গৰীয়াবৰী উপ স্বাস্থ্যকেন্দ্ৰৰ পৰিচালনা সমিতিৰ সভানেত্রী হিচাপে কাৰ্যভাৰ গ্ৰহণ কৰি আছিল।উল্লেখযোগ্য যে চৰকাৰী নিয়ম অনুসৰি উপ স্বাস্থ্যকেন্দ্ৰ সমূহত গাঁও পঞ্চায়তৰ সভাপতি বা সভানেত্রী সকলে হে অঞ্চলটোৰ উপ স্বাস্থ্যকেন্দ্ৰৰ পৰিচালনা সমিতিৰ সভাপতি হিচাপে কাৰ্যভাৰ গ্ৰহণ কৰি কাম কাজ চলাই নিব লাগে।যদিও সভানেত্রী ফৰিদা বেগমৰ কাৰ্যকাল সমাপ্ত হোৱাৰ পিছতো তেওঁৰ অজ্ঞাতে উপ স্বাস্থ্যকেন্দ্ৰটোত তেওঁৰ চহীৰেই আজিলৈকে এ এন এম ৰুমা কানুই…

চিৰাঙত চাঞ্চল্যকৰ গুলী চালনা ঘটনা সংঘটিত হৈছে।উল্লেখযোগ্য যে চিৰাং জিলাৰ বিজনীৰ পানবাৰী থানাৰ অন্তৰ্গত এন কে কাহিটামাত দুৰ্বৃত্তৰ গুলিচালনা ঘটনা সংঘটিত হৈছে।অন্তৰা বড়ো (৬৫ )নামৰ মহিলাগৰাকী নিহত হয় গুলি চালনাত। ঘটনা সন্দৰ্ভত ইতিমধ্যে চিৰাং আৰক্ষীৰ তদন্ত অব্যাহত ৰাখিছে।

মাৰ্ঘেৰিটাত আৰক্ষীৰ অভিযানত বৃহৎ পৰিমাণৰ ভাং ড্ৰাগচ সহ আটক মহিলা। মাৰ্ঘেৰিটাত আৰক্ষীৰ ড্ৰাগ্‌চ বিৰোধী অভিযান। অভিযানত ৫ কিঃগ্ৰাঃ ২০০ গ্ৰাম গাঞ্জাৰ লগতে জব্দ হৈছে বৃহৎ পৰিমাণৰ ড্ৰাগ্‌চ (১১৬.৯৯ গ্ৰাম)। মাৰাত্মক জীৱন নাশক সামগ্ৰী অবৈধ ব্যৱসায়ৰ লগত জড়িত থকাৰ অভিযোগত আটক কৰা হৈছে এগৰাকী মহিলা। ইতিমধ্যে নৱনিযুক্ত মাৰ্ঘেৰিটা থানাৰ ভাৰপ্ৰাপ্ত আৰক্ষী বিষয়া প্ৰতাপ গগৈয়ে মাৰাত্মক ড্ৰাগ্‌চৰ বিৰুদ্ধে অভিযান তীব্ৰতৰ কৰি তোলাৰ লগতে ড্ৰাগ্‌চ ব্যৱসায়ৰ লগত জড়িত মহিলা সহ নিছাযুক্ত সামগ্ৰীখিনি জব্দ কৰি মাৰ্ঘেৰিটা থানাত এন ডি পি এচৰ অধীনত গোচৰ ৰুজু কৰি তদন্ত অব্যাহত ৰাখিছে।

মাৰ্ঘেৰিটাৰ বৰগোলাইত উদ্ধাৰ দুই শিশু।উল্লেখযোগ্য যেমাৰ্ঘেৰিটা আৰক্ষী থানাৰ অন্তৰ্গত বৰগোলাইত এক নং নামদাং গাঁৱৰ পৰা উদ্ধাৰ হৈছে দুটি শিশু। জাগুনৰ কোনো ব্যক্তিৰ ঘৰত শিশু দুটিয়ে শ্ৰমিক হিচাপে কাম কৰি আছিল। জাগুনৰ পৰা শিশু দুটি পথে তিনিচুকীয়া দিশে গৈ থকাৰ অৱস্থাত উদ্ধাৰ কৰা হয়। স্থানীয় ৰাইজ শিশু দুটিক উদ্ধাৰ কৰি আৰক্ষীক গতাই দিয়ে।দুয়োজনৰ পৰিচয় সোধাত বিশেষ জানিব পৰা হোৱা নাই যদিও শিশু দুটাৰ নাম অঞ্জলি মুঢ়া আৰু পূৰ্ণিমা মূঢ়া বুলি আৰক্ষীয়ে জানিবলৈ দিছে। তেওঁলোকৰ বয়স প্ৰায় ১১/৯ বছৰ। মাৰ্ঘেৰিটা আৰক্ষী সোধা পোছা চলাই আছে উদ্ধাৰ হোৱা শিশু দুটিক। বৰ্তমানলৈ জানিব পৰা হোৱা নাই ঘৰৰ ঠিকনা।

ধুবুৰীৰ কাতলামাৰী চৰত আজমলে ঢুকিলে ঘঁৰিয়ালৰ চকু পানীকংগ্ৰেছ দলৰ ভাৰত জোড়ো যাত্ৰাত শংকিত হল নেকি বদৰুদ্দিন আজল ? যাৰ বাবে পুনৰ জৰাফুকাৰ ৰাজনীতিৰে সাংসদ হোৱাৰ সপোন আজমলৰ। ধুবুৰীৰ দক্ষিণ শালমাৰা সমষ্টিৰ পদ্মেৰ আলগা গাওঁ পঞ্চায়তৰ কাতলামাৰীত মহাবাহু ব্ৰহ্মপুত্ৰৰ গৰাখহনীয়াত শতাধিক পৰিয়ালৰ ঘৰ বাৰী খেতি মাটি নদীত জাহ গৈছে।স্থানীয় সাংসদ,বিধায়কৰ নিৰ্লিপ্ত ভূমিকাত অতিষ্ঠ হৈ স্থানীয় ৰাইজে অলপতে বিধায়ক-সাংসদৰ বিৰুদ্ধে প্ৰতিবাদী কাৰ্যসূচী গ্ৰহণ কৰিছিল। আজি সেই একেই স্থানতে আজমলে আয়োজন কৰে এখন দোৱা প্ৰাৰ্থনা অনুষ্ঠান। এইবাৰ সাংসদ গৰাকীয়ে দোৱা প্ৰাৰ্থনাৰে খহনীয়া প্ৰতিৰোধৰ চেষ্টা চলায়। কিন্তু ইয়াৰ বাবে শাসকীয় বিজেপি চৰকাৰক দোষাৰোপ কৰি আজমলে সভাখনত হুকহুকাই কান্দি উঠে। দৰাচলতে,এনে আবেগৰ সৃষ্টি কৰি গঞা…

নিজৰ অভিনয়েৰে হাজাৰজন মানুহৰ মন জয় কৰিবলৈ সক্ষম হোৱা যোৰহাটৰ ভাইৰেল যুৱক সীমান্ত বৰাৰ দুৰ্দান্ত অভিনয়।নাৰায়্ণপুৰৰ জামুগুৰিত আয়োজন কৰা ৰাস মহোৎসৱৰ ভাওনাত ভাও প্ৰদৰ্শন কৰি মণমুগ্ধ কৰিলে হাজাৰজন দৰ্শকৰ।এক নিশাৰ ভিতৰতে এটা ভিডিঅ'ৰ যোগেদি সমগ্ৰ ৰাজ্যবাসীৰ মন জিনিবলৈ সক্ষম হোৱা সীমান্ত (চিমু) ক এপলক চাবলৈ জামুগুৰি নামঘৰত ভিৰ কৰিলেহি হাজাৰগৰাকী দৰ্শকে।নিজৰ চকুৰে এপলক চাবলৈ আৰু এখন ফটো মাৰিবলৈ হেতা-ওপৰা লগালে বহুজনে।

বড়োলেণ্ড বিশ্ববিদ্যালয়ৰ তৃতীয় ষান্মাষিক পৰীক্ষাৰ ফলাফলত বিসংগতি সন্দৰ্ভত এবিএমছুৰ সাধাৰণ সম্পাদক টাইছন হুছেইন প্ৰতিক্ৰিয়া।পৰীক্ষাৰ সকলো বহী পুনৰীক্ষণৰ দাবী। সমগ্ৰ ঘটনাৰ তদন্ত দাবী।বড়োলেণ্ড বিশ্ববিদ্যালয়ৰ অধ্যক্ষ লাইশ্ৰাম লাড্ডু সিং আৰু পৰীক্ষা নিয়ন্ত্ৰক অমিতাভ বৰুৱাক অপসাৰণৰ দাবী।ছাত্ৰ-ছাত্ৰীৰ শিক্ষা জীৱনক লৈ বড়োলেণ্ড বিশ্ববিদ্যালয় কৰ্তৃপক্ষই হেতালি খেলাৰ অভিযোগ।কাৰ্যকৰী ব্যৱস্থা গ্ৰহণ নকৰিলে বড়োলেণ্ড বিশ্ববিদ্যালয়ৰ সন্মুখত অবিৰত অৱস্থান ধৰ্মঘট কাৰ্যসূচী ৰূপায়ন কৰিব বুলি সকিয়নী প্ৰদান কৰে।

চাবুৱাৰ ৱাইপাছত কয়লা সৰবৰাহকাৰী ট্ৰাকত তিনিচুকীয়া আৰক্ষীৰ গুলিচালনা ।কেইবাবাৰু গুলিচালনা কৰাৰ ফলত পথৰ কাষত বাগৰি যায় কয়লাভৰ্ট্ৰী ট্ৰাকখন ।আৰক্ষীয়ে কিয় তিনিচুকীয়াৰ পৰা খেদি আহি AS 25 CC 7750 ট্ৰাকখনত গুলিচালনা কৰিলে সেয়া এই মুহূৰ্তলৈকে জানিব পৰা হোৱা নাই ।বৰ্তমানসময়লৈকে সংবাদমাধ্যমৰ সন্মুখত মন্তব্য দিয়াৰ পৰা আতৰি আছে তিনিচুকীয়া আৰক্ষী ।ড্ৰাইভাৰজনৰ গাত গুলি লগা নাই যদিও আৰক্ষীয়ে ড্ৰাইভাৰজনক আটক কৰিছে।

বাক্সাৰ মুছলপুৰত এশ আত্মসহায়ক গোটক ছাগলী বিতৰণ কাৰ্যবাহী সদস্য ৰাকেশ ব্ৰহ্মৰ।ডিচেম্বৰৰ পৰা বিটিআৰত Goat Missionৰ কাম আৰম্ভ হোৱাৰ ঘোষণা কাৰ্যবাহী সদস্য ।বিটিআৰত শীঘ্ৰেই আৰম্ভ হ'ব Goat Missionৰ কাম৷ অহা ডিচেম্বৰ মাহৰ পৰা বিটিআৰৰ পাচ খন জিলাত আৰম্ভ হব Goat missionৰ কাম৷ এই মিছনৰ জড়িয়তে অৰ্থনৈতিক স্বাৱলম্বী কৰি তোলাৰ প্ৰয়াস কৰা হৈছে৷ এই মন্তব্য বিটিচিৰ পশুপালন বিভাগৰ কাৰ্যবাহী সদস্য ৰাকেশ ব্ৰহ্মৰ৷ আজি বাক্সা জিলাৰ মুছলপুৰত জিলা পশুপালন বিভাগৰ কাৰ্যালয়ত হিতাধীকাৰী তথা আত্মসহায়ক গোটৰ ছাগলী বিতৰণ কৰি তেখেতে কয় যে, বিটিআৰৰ কোকৰাঝাৰ, তামুলপুৰ, চিৰাং, ওদালগুৰি আৰু বাক্সা জিলাত পাচ খন ছাগলী ফাৰ্ম স্হাপন কৰিব৷ ইয়াৰ বাবে চক্ৰ বিষয়া সকলক মাটি আৱন্টনৰ বাবে…

কলগাছিয়াৰ বালিকুৰিত পানীত পৰি শিশুৰ সলিল সমাধি। অঞ্চলজুৰি শোকৰ ছাঁ। বৰপেটা জিলাৰ কলগাছিয়া আৰক্ষী থানাৰ অন্তৰ্গত মজিদভিটা বালিকুৰি নন কে গাওঁৰ আশ্ৰাফুল ৰহমানৰ ছোৱালী ইলিমা খাতুন (৪) য়ে আনুমানিক পুৱা ৯ বজাত খেলি থকা অৱস্থাত ঘৰৰ কাষতে থকা মৰানদীত পানীত পৰি মৃত্যুক সাৱটি লয়। বহু সময় পিতৃ মাতৃয়ে কন্যা শিশুক বিচাৰি নাপাই বিচাৰ খোজ আৰম্ভ কৰে। পিছত সন্দেহ বশতঃ ৰাইজে স্থানীয় ৰাইজে মৰানদীত গোটেই দিনটো বিচাৰি অৱশেষত দিনৰ ২ বজাত মাছমৰীয়াৰ জালেৰে ছোৱালী জনীৰ মৃত্যুদেহ উদ্ধাৰ কৰিবলৈ সক্ষম হয়। ঘটনাস্হলীত স্থানীয় আৰক্ষী উপস্থিত হৈ মৃত্যু দেহটো মৰনোত্তৰৰ বাবে বৰপেটা ফকৰুদ্দিন আলী আহমেদ মেডিকেল কলেজলৈ প্ৰেৰণ কৰে। ছোৱালী জনীৰ অকাল মৃত্যুত…