অসমৰ বিমান সংযোগলৈ ডাঙৰ আগবঢ়া: ৫ টাকৈ গ্ৰীনফিল্ড বিমানবন্দৰৰ বাবে চৰকাৰ–এএআইৰ মুক্তি স্বাক্ষৰ

অসম চৰকাৰে আকাশীপথৰ পৰিসৰ বৃদ্ধি আৰু পৰ্যটন খণ্ডক উন্নীত কৰাৰ উদ্দেশ্যে ৫ টি গুৰুত্বপূৰ্ণ স্থানত গ্ৰীনফিল্ড বিমানবন্দৰ নিৰ্মাণৰ বাবে ভাৰতীয় বিমান প্ৰাধিকৰণৰ সৈতে এক চুক্তিত স্বাক্ষৰ কৰিছে। মুখ্যমন্ত্ৰী হিমন্ত বিশ্ব শৰ্মাৰ নেতৃত্বত এই বিমানবন্দৰসমূহ মানস ৰাষ্ট্ৰীয় উদ্যান, উমৰাংছ’, মাজুলী, ডিফু আৰু চৰাইদেউত স্থাপন হ’ব। মুখ্যমন্ত্রী এই পদক্ষেপক তেওঁ অঞ্চলটোৰ বন্যপ্ৰাণী পৰ্যটন আৰু আঞ্চলিক যোগাযোগ বৃদ্ধিৰ ক্ষেত্ৰত উল্লেখযোগ্য বুলি দাবী কৰিছে। তেওঁ উল্লেখ কৰে যে, এই উদ্যোগ অসমক দেশৰ বাবে এক আৰ্হি হিচাপে গঢ়িব। শিলিগুৰি কৰিডৰৰ গুৰুতৰ প্ৰভাৱ বিবেচনা কৰি, তেওঁ ৰূপসী বিমানবন্দৰক পূৰ্ণাংগ বিমানবন্দৰলৈ উন্নীত কৰাৰ অনুৰোধ কৰে আৰু গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ পৰা আন্তঃৰাষ্ট্ৰীয় বিমান সংযোগ উন্নয়ন কৰাৰ ওপৰত গুৰুত্ব আৰোপ কৰে। এই বিমানবন্দৰসমূহ অসমক দক্ষিণ-পূব এছিয়াৰ বাবে এক মুখ্য দুৱাৰ হিচাপে প্ৰতিষ্ঠা কৰিব বুলি মুখ্যমন্ত্ৰী আশাপ্ৰকাশ কৰিছে।