শিক্ষা মন্ত্ৰালয়ে প্ৰকাশ কৰিছে এন আই আৰ এফ ৰেংকিং ২০২৫।এইবাৰো মহাবিদ্যালয় শাখাত দিল্লী বিশ্ববিদ্যালয়ৰ (ডি ইউ) মহাবিদ্যালয়সমূহে আধিপত্য বিস্তাৰ কৰিছে। যোৱা বছৰৰ দৰে এইবাৰো হিন্দু কলেজে শীৰ্ষস্থান দখল কৰিছে। একে সময়তে দ্বিতীয় স্থান লাভ কৰিছে মিৰাণ্ডা হাউচ কলেজে। বৃহস্পতিবাৰে ৰাষ্ট্ৰীয় প্ৰতিষ্ঠানিক ৰেংকিং ফ্ৰেমৱৰ্ক (এন আই আৰ এফ) ২০২৫ত ভাৰতৰ শ্ৰেষ্ঠ মহাবিদ্যালয়ৰ তালিকা প্ৰকাশ কৰা হয়।
দিল্লী বিশ্ববিদ্যালয়ৰ অন্তৰ্গত কলেজে শীৰ্ষ ১০ খনত স্থান লাভ কৰিবলৈ সক্ষম হৈছে।হান্স ৰাজ কলেজে তৃতীয়, কিৰোৰী মাল চতুৰ্থ আৰু ছেইণ্ট ষ্টিফেন্স পঞ্চম স্থানত আছে। দিল্লীৰ পিছতে ষষ্ঠ স্থান দখল কৰিবলৈ সক্ষম হৈছে কলকাতাৰ ৰাম কৃষ্ণ মিছন বিবেকানন্দ শতবাৰ্তী মহাবিদ্যালয়।
সপ্তম স্থানত আত্ম ৰাম সনাতন ধৰ্ম মহাবিদ্যালয় (দিল্লী), অষ্টম স্থানত কলকাতাৰ ছেইণ্ট জেভিয়াৰ কলেজ। একে সময়তে তামিলনাডুৰ কইম্বাটুৰৰ পৰা দুখন প্ৰতিষ্ঠানে শীৰ্ষ দহৰ ভিতৰত স্থান লাভ কৰিবলৈ সক্ষম হৈছে, পি এছ জি আৰ কৃষ্ণমল মহিলা মহাবিদ্যালয়ে নৱম স্থান আৰু পি এছ জি কলা আৰু বিজ্ঞান মহাবিদ্যালয়ে দশম স্থান লাভ কৰিছে।
