সমগ্ৰ দেশে ভোগালী বিহু, মকৰ সংক্ৰান্তি, পোংগল আৰু লহৰীৰ দৰে প্ৰধান উৎসৱ আয়োজনেৰে শস্য চপোৱা ঋতু উদযাপনৰ সময়তে কেলিফৰ্ণিয়া আলমণ্ডে পৰম্পৰাগত উৎসৱৰ মিঠাইৰ এক স্বাস্থ্যকৰ বিকল্প হিচাপে নিজৰ পৰিচয় গঢ়ি তুলিছে। প্ৰ’টিন, স্বাস্থ্যকৰ চৰ্বি, আঁহ আৰু ভিটামিনকে ধৰি ১৫টা অত্যাৱশ্যকীয় পুষ্টিগুণেৰে সমৃদ্ধ আলমণ্ড স্বাস্থ্য সচেতন গ্ৰাহকসকলৰ মাজত আকৰ্ষণ লাভ কৰিছে, যিয়ে জনসাধাৰণৰ সুস্থতাৰ সৈতে আপোচ নকৰাকৈ এই উৎসৱৰ আনন্দ উপভোগ কৰিব বিচাৰিছে। বিশেষজ্ঞসকলে মধুমেহ আৰু মেদবহুলতাৰ দৰে জীৱনশৈলীজনিত ৰোগৰ বৰ্ধিত প্ৰাদুৰ্ভাৱৰ বিৰুদ্ধে যুঁজিবলৈ সন্তুলিত আহাৰৰ অংশ হিচাপে আলমণ্ড গ্ৰহণৰ পৰামৰ্শ দি আহিছে।
ইণ্ডিয়ান কাউন্সিল অৱ মেডিকেল ৰিচাৰ্চ–নেচনেল ইনষ্টিটিউট অৱ নিউট্ৰিচন(আইচিএমআৰ-এনআইএন)-এ আলমণ্ডক হৃদযন্ত্ৰৰ স্বাস্থ্যত সহায়, শৰীৰৰ ওজন পৰিচালনা কৰা, তেজত শৰ্কৰাৰ মাত্ৰা নিয়ন্ত্ৰণ কৰা আদি স্বাস্থ্য উপকাৰিতাৰ বাবে স্বীকৃতি প্ৰদান কৰিছে। যিমানেই অধিক লোকে পুষ্টিকৰ বিকল্পৰ ফালে ধ্যান-গুৰুত্ব দিয়ে, সিমানেই আলমণ্ডক উৎসৱমুখৰ খাদ্যৰ আদৰ্শ সংযোজন হিচাপে দেখা যায়।
গুৱাহাটীত ক্ৰমান্বয়ে কেলিফৰ্ণিয়া আলমণ্ডৰ চাহিদা বাঢ়িছে, গ্ৰাহকৰ সংখ্যা বৃদ্ধি পাইছে আৰু নিয়মীয়া খাদ্য তালিকাত এই বাদাম অন্তৰ্ভুক্ত কৰিছে। স্বাস্থ্যকৰ, পুষ্টিৰে ভৰপূৰ খাদ্যক লৈ অঞ্চলটোৰ অগ্ৰাধিকাৰৰ ফলত পৰম্পৰাগত মিঠাই আৰু একক লঘু আহাৰ হিচাপে আলমণ্ডৰ চাহিদা বৃদ্ধি পাইছে। খুচুৰা বিক্ৰেতাসকলে এই উৎসৱৰ ছিজনত পুষ্টিকৰ বিকল্প বিচাৰি থকা চহৰখনৰ স্বাস্থ্য সচেতন জনসাধাৰণক সামগ্ৰী যোগান ধৰি আলমণ্ডত অফাৰৰ সম্প্ৰসাৰণেৰে সঁহাৰি জনাইছে।
