ৰিয়াধত থকা ভাৰতীয় দূতাবাসে অসমীয়া, বাংলা, মাৰাঠী, পালি আৰু প্ৰাকৃতসহ মুঠ পাঁচটা ভাৰতীয় ভাষাক ধ্ৰুপদী ভাষাৰ মৰ্যাদা প্ৰদান উদযাপন কৰি বৰ্ণিল অনুষ্ঠানৰ আয়োজন কৰে। সপ্তাহজোৰা প্ৰৱাসী পৰিচয় ২০২৪ৰ অংশ হিচাপে আয়োজিত এই অনুষ্ঠানত ৫০০ৰো অধিক ভাৰতীয় প্ৰব্ৰজনকাৰী বা প্ৰবাসী ভাৰতীয় উপস্থিত থাকে। এক ভিডিঅ’ বাৰ্তাত বৈদেশিক পৰিক্ৰমা ৰাজ্যিক মন্ত্ৰী কীৰ্তিৱৰ্ধন সিঙে ভাৰতীয় দূতাবাসে ধ্ৰুপদী ভাষাৰ তাৎপৰ্যক উজ্জ্বল কৰি তোলাৰ প্ৰচেষ্টাক প্ৰশংসা কৰে। এই অনুষ্ঠানত সংস্কৃত, তেলেগু, মালয়ালম, তামিল, কানাড়া, ইত্যাদি ভাৰতৰ ১১টা ধ্ৰুপদী ভাষাৰ সৈতে জড়িত ঐতিহাসিক আৰু সাংস্কৃতিক কাহিনীসমূহ প্ৰদৰ্শন কৰা হয়। কবিতা, অভিনয়, সংগীত, নৃত্য পৰিবেশনে উপস্থিতসকলক মোহিত কৰিছিল, এই সকলোবোৰৰ প্ৰস্তুতকৰ্তা আছিল ৰিয়াধস্থিত সংস্কৃত পণ্ডিত সুমনা নায়ক।
দূতাবাসে পালি আৰু প্ৰাকৃত ভাষাত কবিতা আবৃত্তিৰ বাবে ভাৰতীয় বিদ্যালয়ৰ এগৰাকী শিক্ষকক সম্বৰ্ধনা জনোৱাৰ লগতে অনুষ্ঠানটোত এক অনন্য স্পৰ্শ সংযোজন কৰে। ভাৰতৰ প্ৰাচীন সাংস্কৃতিক ঐতিহ্য সংৰক্ষণৰ ক্ষেত্ৰত এই ভাষাসমূহৰ ভূমিকাৰ ওপৰত গুৰুত্ব আৰোপ কৰি ভাৰতীয় মূলৰ লোকসকলে এই উদযাপনৰ জৰিয়তে সমাদৰ লাভ কৰে।
যোৱা বছৰ দূতাবাসে প্ৰথম বাৰলৈ প্ৰবাসী পৰিচয়ৰ অংশ হিচাপে ধ্ৰুপদী সংস্কৃত উদযাপন কৰিছিল, আনকি প্ৰধানমন্ত্ৰী নৰেন্দ্ৰ মোদীয়ে তেওঁৰ “মন কি বাত” ভাষণত এই কথা উল্লেখ কৰিছিল। এই দূতাবাসত বাৰ্ষিক চলচ্চিত্ৰ মহোৎসৱ আয়োজন কৰা হয়, এইবাৰৰ সংস্কৰণত ধ্ৰুপদী ভাষাৰ এখন ছবিও প্ৰদৰ্শন কৰা হয়।
