ভাৰতৰ দ্বিতীয় পুৰণি সম্পদ পৰিচালনা প্ৰতিষ্ঠান কানাৰা ৰোবেকো মিউচুৱেল ফাণ্ডে মুকলি কৰিছে কানাৰা ৰোবেকো বেলেঞ্চ এডভাণ্টেজ ফাণ্ড, যি হৈছে এক মুকলি গতিশীল সম্পদ আবণ্টন পুঁজি, ইয়াক বজাৰৰ লাভৰ মূলধন হিচাপে ব্যৱহাৰ কৰাৰ লগতে বিপদাশংকা হ্ৰাস কৰাৰ বাবে ডিজাইন কৰা হৈছে। এই নতুন পুঁজিৰ অফাৰ (এনএফঅ’) ২০২৪ চনৰ ১২ জুলাইৰ পৰা ২৬ জুলাইলৈকে লাভ কৰিব গ্ৰাহকসকলে।
এই বেলেঞ্চ এডভাণ্টেজ ফাণ্ডৰ আবণ্টন কমেও ৬৫% ইকুইটিত হ’ব, যাৰ ফলত বিনিয়োগকাৰীৰ বাবে ইকুইটি কৰৰ সুবিধাসমূহ নিশ্চিত হ’ব, বাকীখিনি ঋণ আৰু মুদ্ৰা বজাৰৰ সঁজুলিৰ জৰিয়তে বিনিয়োগ কৰা হ’ব। ইয়াৰ লক্ষ্য হৈছে বজাৰৰ অস্থিৰতাৰ বাবে বিনিয়োগকাৰীৰ আচৰণৰ ব্যৱধান দূৰ কৰা। এই বিষয়ে কানাৰা ৰোবেকোৰ মুখ্য কাৰ্যবাহী বিষয়া ৰজনীশ নাৰুলাই কয় যে, “আমাৰ সন্তুলিত সুবিধা পুঁজিয়ে দীৰ্ঘম্যাদী মূলধন বৃদ্ধি আৰু আয় সৃষ্টিক লক্ষ্য কৰি ইকুইটি আৰু ঋণৰ এক্সপ’জাৰ গতিশীলভাৱে সামঞ্জস্য কৰি তুলিব।”
প্ৰায় ২০ বছৰৰ ভিতৰত পৰীক্ষণ কৰা মালিকানাধীন ৩টা কাৰক মডেল—ট্ৰেইলিং পি/বি, ইকুইটি ৰিস্ক প্ৰিমিয়াম আৰু ফৰৱাৰ্ড পি/ই-ৰ দ্বাৰা পৰিচালিত হৈ এই পুঁজিয়ে বিনিয়োগকাৰীৰ পক্ষপাতিত্ব দূৰ কৰাৰ পোষকতা কৰিছে। কানাৰা ৰোবেকোৰ ইকুইটি বিভাগৰ মুৰব্বী শ্ৰীদত্ত ভাণ্ডৱাল্ডাৰে উল্লেখ কৰিছে যে, এই মডেলে বজাৰৰ যিকোনো পৰিস্থিতিতে নেভিগেট কৰাত সহায় কৰে। এই ফাণ্ডৰ বিশেষ বৈশিষ্ট্যসমূহৰ ভিতৰত আছে অটো চুইটছৰ সুবিধা, যিয়ে বিনিয়োগকাৰীক এনএফঅ’ৰ সময়ছোৱাত নিৰ্বাচিত ঋণ আঁচনিত আৰু ষ্টেগাৰ্ড বিনিয়োগৰ বাবে স্মাৰ্ট এছটিপিৰ জৰিয়তে বিনিয়োগ কৰিবলৈ অনুমতি দিয়ে। এই পুঁজি ক্ৰিছিল হাইব্ৰিড ৫০+৫০ –মডাৰেট ইণ্ডেক্সৰ সমান ৰূপত প্ৰতিষ্ঠা কৰা হৈছে আৰু শ্ৰীদত্ত ভাণ্ডৱাল্ডাৰ, এনেট ফাৰ্নাণ্ডেছ, সুমন প্ৰসাদ আৰু অমিত কদমে পৰিচালনা কৰিছে।
