১৪ জুলাইত গুৱাহাটীৰ কটন বিশ্ববিদ্যালয়ৰ ইনডৰ ষ্টেডিয়ামত অনুষ্ঠিত ২০২৪ বৰ্ষৰ ৪৫ সংখ্যক ৰাজ্যিক লেভেল সদৌ অসম অল ষ্টাইল মাৰ্চিয়েল আৰ্ট চেম্পিয়নশ্বিপত বৰপেটাৰ ইন্টাৰনেছনেলৰ চাইনিজ চাওলীন কুংফু একাডেমীৰ কেইবাজনো খেলুৱৈৱে ৭ টা পদক অৰ্জন কৰি বিৰল সাফল্য দাঙি ধৰি অঞ্চলটোলৈ গৌৰৱ কঢ়িয়াই আনিছে । একাডেমীৰ পাঁচ গৰাকী খেলুৱৈয়ে ৫ টাকৈ স্বৰ্ণ,এটা ৰূপৰ আৰু এটা ব্ৰঞ্জৰ পদক জিনিবলৈ সক্ষম হৈছে ।
স্বৰ্ণ পদক প্ৰাপ্ত খেলুৱৈ কেইজন হৈছে – অভিলাষা ওজা, প্ৰেৰণা তালুকদাৰ, কুঁৱলী দাস, অৰ্ণৱ বাবন আৰু সঞ্জয় দাস । আনহাতে ৰূপ আৰু ব্ৰঞ্জৰ পদক প্ৰাপ্ত খেলুৱৈ দুগৰাকী হৈছে ক্ৰমে জীৎ সূত্ৰধাৰ আৰু মাধুৰ্যময় দাস ।যোগদানকাৰী খেলুৱৈৰ দলটোৰ সৈতে প্ৰতিযোগিতাখনত অংশগ্ৰহণ কৰিছিল প্ৰশিক্ষকদ্বয় ক্ৰমে অৱিনাশ ওজা আৰু ৰাজীৱ দাসে ।
