আমাজন ইণ্ডিয়াই আজি প্ৰপেলৰ চতুৰ্থ ছিজন মুকলি কৰাৰ কথা ঘোষণা কৰিছে – প্ৰপেল হৈছে গ্ৰাহকৰ বাবে প্ৰয়োজনীয় সামগ্ৰীৰ ক্ষেত্ৰত ষ্টাৰ্টআপৰ বাবে এক গ্লবেল ব্যৱসায়িক ত্বৰান্বিতকাৰী পদক্ষেপ। এই একক প্ৰতিযোগিতাখনে উদীয়মান ভাৰতীয় ব্ৰেণ্ড আৰু ষ্টাৰ্টআপসমূহক ই-কমাৰ্চ ৰপ্তানি ব্যৱহাৰ কৰি বিশ্বৰ গ্ৰাহকৰ ওচৰলৈ লৈ যোৱাৰ বাবে সমৰ্পিত সমৰ্থন প্ৰদান কৰিবলৈ ডিজাইন কৰা হৈছে। প্ৰপেল এছ ৪ প্ৰগ্ৰেমে আন্তঃৰাষ্ট্ৰীয় বজাৰত নিজৰ সামগ্ৰী মুকলি কৰিবলৈ ৫০টাপৰ্যন্ত ষ্টাৰ্টআপক সহায় কৰিব আৰু ভাৰতৰ পৰা গ্ল’বেল ব্ৰেণ্ড সৃষ্টি কৰিব। ইয়াত অংশগ্ৰহণকাৰী ষ্টাৰ্টআপসমূহে এডব্লিউএছ এক্টিভেট ক্ৰেডিট, ছমাহৰ বিনামূলীয়া লজিষ্টিক আৰু একাউণ্ট ব্যৱস্থাপনা সমৰ্থনকে ধৰি $১.৫ মিলিয়নৰো অধিক পুৰস্কাৰ লাভ কৰিব, লগতে শীৰ্ষ ৩টা বিজয়ী প্ৰতিষ্ঠানে আমাজনৰ পৰা একত্ৰিত ১০০কে ডলাৰৰ অনুদান লাভ কৰিব। আমাজনে অংশগ্ৰহণকাৰী ষ্টাৰ্টআপবোৰক ভাৰতীয় ৰাজহ-আধাৰিত-বিত্তীয় প্ৰতিষ্ঠান যেনে ক্লাব, ভেলোচিটী আৰু গেটভেণ্টেজৰ সৈতে সংযোগ কৰাত সহায় কৰিব, যিয়ে অংশগ্ৰহণকাৰী ষ্টাৰ্টআপবোৰক নিজৰ ব্যৱসায় পৰিসৰ সম্প্ৰসাৰিত কৰিবলৈ বিশেষভাৱে সজাই তোলা অফাৰ প্ৰদান কৰিব।
এই কাৰ্যসূচীৰ বাবে আবেদন আজি মুকলি কৰা হৈছে আৰু ২০২৪ চনৰ ৯ জুনত আৱেদন প্ৰক্ৰিয়াৰ অন্ত পৰিব। এই প্ৰগ্ৰামৰ অন্তিম পৰ্যায়ত ডেমো-ডে’ৰ আয়োজন কৰা হ’ব য’ত অংশগ্ৰহণকাৰীসকলে আগশাৰীৰ ভিচি প্ৰতিষ্ঠানসমূহৰ আগত নিজৰ ব্যৱসায়িক প্ৰস্তাৱ আগবঢ়োৱাৰ সুযোগ পাব আৰু নিজৰ নিজৰ কাৰ্য-কলাপ সম্প্ৰসাৰণৰ বাবে পুঁজি লাভ কৰিব। প্ৰপেল এছ৪ৰ অংশ হিচাপে আমাজনে আমাজনৰ লীডাৰসকল, ভিচি অংশীদাৰ আৰু উদ্যোগৰ জ্যেষ্ঠ-অভিজ্ঞ প্ৰতিনিধিসকলেৰে গঠিত এখন মেণ্টৰশ্বিপ ব’ৰ্ড গঠন কৰিছে যিয়ে উদীয়মান ব্ৰেণ্ডসমূহৰ বিভিন্ন দিশ পৰ্যবেক্ষম কৰিব আৰু নিৰ্দিষ্ট সম্পদ বা ইনপুট প্ৰদান কৰিব, ১:১ মেণ্টৰশ্বিপ আৰু বিশ্বব্যাপী চাহিদাৰ আৰ্হি আৰু নিৰ্মাণ-সৃষ্টিৰাজীৰ ওপৰত অন্তৰ্দৃষ্টি সম্পৰ্কীয় কৰ্মশালা আয়োজন কৰিব যাতে ই-কমাৰ্চৰ জৰিয়তে সফল ৰপ্তানি ব্যৱসায় গঢ়ি তুলিব পাৰে। আমাজনে অংশগ্ৰহণকাৰী ষ্টাৰ্টআপসমূহক নেটৱৰ্ক গঢ়ি তোলাৰ লগতে বৰ্তমানৰ পৰিৱেশ তন্ত্ৰৰ পৰা শিকিবলৈ সহায় কৰিবলৈ প্ৰবীণ উদ্যোগী আৰু প্ৰপেলৰ প্ৰাক্তন ছাত্ৰ-ছাত্ৰীসকলক আমন্ত্ৰিত কৰি সহযোগী শিক্ষণৰ ওপৰত গুৰুত্ব আৰোপ কৰা অনুষ্ঠানৰো আয়োজন কৰিব।
আমাজন ইণ্ডিয়াৰ গ্লোবেল ট্ৰেডৰ সঞ্চালক ভূপেন ৱাকাংকাৰে এই বিষয়ে কয় যে, “প্ৰ’পেল এক্সেলেৰেটৰৰ চতুৰ্থ ছিজনৰ আৰম্ভণিক লৈ মই অত্যন্ত উৎসাহিত। আমি ইতিমধ্যে এই পদক্ষেপৰ জৰিয়তে বিশ্বব্যাপী ৭০টাতকৈও অধিক ভাৰতীয় ষ্টাৰ্টআপক এঢাপ আগুৱাই যাবলৈ সহায় কৰিছোঁ, যাৰ ভিতৰত আছে মিনিমালিষ্ট, চিৰোনা, ইকোৰাইট, পাৰফোৰা আৰু বাটাৰফ্লাই এডুফিল্ড ইত্যাদি। আমি নতুন কোম্পানীবোৰক ব্যৱসায়িক অফাৰসমূহ জীৱন্ত কৰিবলৈ আৰু ভাৰতৰ পৰা বিশ্বব্যাপী জনপ্ৰিয় ব্ৰেণ্ড সৃষ্টি কৰাৰ সুযোগ প্ৰদান কৰাৰ বাবে প্ৰ’পেল এক্সেলেৰেটৰ আৰম্ভ কৰিছিলো আৰু আমি প্ৰ’পেলৰ এক সম্পূৰ্ণ নতুন ছিজন আৰম্ভ কৰিবলৈ অত্যন্ত উৎসাহী। এই বছৰ চিজন ৪ক অধিক সম্প্ৰসাৰিত কৰি বিশ্বৰ বজাৰত ভাৰতৰ ৫০টা ষ্টাৰ্টআপ আৰম্ভ কৰাত সহায় কৰিবলৈ লক্ষ্য বান্ধি লোৱা হৈছে। ২০২৫ চনৰ ভিতৰত ভাৰতৰ পৰা ২০ বিলিয়ন ডলাৰৰ ই-কমাৰ্চ ৰপ্তানি সক্ষম কৰি তুলিবলৈ আমাৰ প্ৰতিশ্ৰুতিৰ এক গুৰুত্বপূৰ্ণ অংশ হৈছে এই পদক্ষেপ।” প্ৰ’পেল এক্সেলেৰেটৰৰ চিজন ৩ৰ অন্যতম বিজয়ী পাৰফোৰাৰ সহ-প্ৰতিষ্ঠাপক তুষাৰ খুৰানাই এই বিষয়ে কয় যে, “পাৰফোৰাত আমি বিশ্বব্যাপী বিক্ৰী সম্প্ৰসাৰিত কৰিবলৈ সদায় উৎসাহী হৈ আছিলোঁ। প্ৰথমাৱস্থাত আমি বিশ্বৰ বাবে ভাৰতৰ পৰা নিৰ্মাণ কৰা ব্ৰেণ্ডবোৰ দেখি প্ৰচণ্ডভাৱে অনুপ্ৰাণিত হৈছিলোঁ আৰু মৌখিক যত্ন-সেৱাৰ দৰে কেটেগৰীৰ সাৰ্বজনীন দিশসমূহৰ কথা বিবেচনা কৰি বিশ্বৰ বজাৰত বিক্ৰী কিদৰে হৈছিল আমি সূক্ষ্মভাৱে নিৰীক্ষণ কৰিছিলোঁ। ২০২৩ বৰ্ষত যেতিয়া আমি প্ৰ’পেল ষ্টাৰ্টআপ এক্সেলেৰেটৰৰ তৃতীয় চিজনৰ বাবে পঞ্জীয়ন কৰিছিলো তেতিয়া এই দিশত আমি সবল খোজ থৈছিলোঁ। এই কাৰ্যসূচীত অংশগ্ৰহণ কৰি আমি আমাৰ বজাৰ মুকলি ত্বৰান্বিত কৰি নিজৰ অভিজ্ঞতাসমূহ কামত লগাবলৈ সহকৰ্মীৰ সৈতে আলোচনাৰ জৰিয়তে প্ৰাসংগিক অন্তৰ্দৃষ্টি লাভ কৰিবলৈ ভিচি প্ৰতিষ্ঠান আৰু অন্যান্য উদ্যোগৰ আগশাৰীৰ প্ৰতিষ্ঠান-ব্যক্তিসকলৰ কাষ চাপিছোঁ। আমাজন টীমেও আমাক আৰম্ভণিৰ দিনৰে পৰা সমৰ্থন কৰি আহিছে আৰু এই অনুষ্ঠানে আমাৰ গ্লবেল উচ্চাকাংক্ষাৰ বাবে অনুঘটকৰ ভূমিকা পালন কৰিলে। এয়া মাত্ৰ আৰম্ভণি আৰু পেৰফোৰাক সমগ্ৰ বিশ্বৰ গ্ৰাহকৰ ওচৰলৈ লৈ যাবলৈ উৎসাহিত।”
