ভৱিষ্যতৰ নিয়োগ বজাৰত উপযুক্ত হ’ব পৰাকৈ যুৱ সমাজক প্ৰয়োজনীয় দক্ষতাৰে সজ্জিত কৰাৰ এক সমন্বিত প্ৰচেষ্টাৰূপে ৰাষ্ট্ৰীয় দক্ষতা বিকাশ নিগমে (এনএছডিচি) বেংগালুৰুৰ এথনোটেক একাডেমিক ছল্যুচন প্ৰাইভেট লিমিটেডৰ সৈতে যৌথ অংশীদাৰিত্বৰে কৰ্ণাটকৰ কালাবুৰাগিত ভৱিষ্যত দক্ষতাৰ কেন্দ্ৰ মুকলি কৰিছে। এই অগ্ৰণী পদক্ষেপৰ উদ্দেশ্য হৈছে শেহতীয়া প্ৰযুক্তিৰ ক্ষেত্ৰখনত যুৱক-যুৱতীৰ সামৰ্থ্য উন্নত কৰা, এই পদক্ষেপ ২০৪৭ চনৰ ভিতৰত এক সমৃদ্ধ ভাৰতৰ দৃষ্টিভংগীৰ সৈতে সংগতি ৰাখি হাতত লোৱা হৈছে।
এই উদ্বোধনী অনুষ্ঠানত কেন্দ্ৰীয় উচ্চ শিক্ষা বিভাগৰ মন্ত্ৰী সুভাষ সৰকাৰ, সাংসদ উমেশ যাদৱ আৰু কেইবাজনো বিশিষ্ট ব্যক্তিৰ উপস্থিতিত এই অনুষ্ঠানৰ শুভাৰম্ভ কৰা হয়। এই কেন্দ্ৰটোৰ তাৎপৰ্যৰ ওপৰত আলোকপাত কৰি মন্ত্ৰী সুভাষ চৰকাৰে ভাৰতক দক্ষ মানৱ সম্পদৰ গ্লবেল হাব হিচাপে গঢ়ি তোলাৰ ৰাষ্ট্ৰীয় লক্ষ্যৰ সৈতে অনুৰণন ঘটাই বিকশিত নিয়োগৰ পৰিৱেশৰ বাবে যুৱক-যুৱতীসকলক প্ৰস্তুত কৰাৰ ক্ষেত্ৰত ইয়াৰ ভূমিকাৰ ওপৰত গুৰুত্ব আৰোপ কৰে। এনএছডিচিৰ চিইঅ’ আৰু এনএছডিচি ইণ্টাৰনেচনেলৰ এমডি বেদমণি তিৱাৰীয়ে কৃত্ৰিম বুদ্ধিমত্তা, মেচিন লাৰ্নিং আৰু ৰব’টিক্সৰ দৰে ক্ষেত্ৰত উন্নীতকৰণৰ প্ৰয়োজনীয়তা বৃদ্ধি কৰা দ্ৰুত প্ৰযুক্তিগত উন্নতিৰ ওপৰত গুৰুত্ব আৰোপ কৰিছে। চেণ্টাৰ ফৰ ফিউচাৰ স্কিলে মাইক্ৰ’ছফ্ট, চিচকো আৰু এডব্লিউএছৰ দৰে পৃথিৱীজুৰি দখল থকা কৰ্পোৰেট গোষ্ঠীৰ সহযোগত হ্ৰস্বম্যাদী প্ৰমাণপত্ৰ পাঠ্যক্ৰম আগবঢ়াব, যাতে শিক্ষাৰ্থীসকল উদ্যোগটোৱে দাবী কৰা বা প্ৰয়োজন পূৰণ কৰিব পৰা শেহতীয়া প্ৰযুক্তিসমূহত পাৰদৰ্শী হয়।
এই পদক্ষেপ ৰাষ্ট্ৰীয় শিক্ষা নীতি (এনইপি) ২০২০ৰ সৈতে সংগতি ৰাখি প্ৰস্তুত কৰা হৈছে, যিয়ে শিক্ষা আৰু ব্যৱহাৰিক দক্ষতা একত্ৰিকৰণৰ ক্ষেত্ৰত বহুমুখী দৃষ্টিভংগীৰ ওপৰত গুৰুত্ব আৰোপ কৰা হয়। এক গতিশীল শিক্ষণ পৰিৱেশ আৰু উদ্যোগৰ সহযোগিতা বৃদ্ধি কৰি এই কেন্দ্ৰটোৱে শৈক্ষিক জ্ঞান আৰু উদ্যোগৰ চাহিদাৰ মাজৰ ব্যৱধান দূৰ কৰাৰ লক্ষ্য ৰাখিছে।
