কেৰালাৰ কোচিৰ এখন হোটেলত এগৰাকী ছৌদি আৰৱীয় মহিলা পৰ্যটকক এজন ভ্লগাৰে যৌন নিৰ্যাতন চলোৱাৰ অভিযোগ উত্থাপন কৰাৰ পিছতে কেৰালা আৰক্ষীয়ে ইউটিউবাৰ ছাকিৰ সুভানৰ বিৰুদ্ধে লুকাউট নোটিচ জাৰি কৰিছে। মহিলাগৰাকীয়ে অভিযোগ কৰে যে কোচিৰ হোটেলত অনুষ্ঠিত হোৱা অনুষ্ঠানত কাৰোবাৰ সৈতে মহিলাগৰাকীক লগ কৰিবলৈ অহা হোটেলখনত ইউটিউবাৰজনে তেওঁৰ সৈতে অসৎ আচৰণ কৰিছিল।
বুধবাৰে (১৩ ছেপ্টেম্বৰ) এখন হোটেলত ভ্লগাৰে মহিলাগৰাকীক সাক্ষাৎকাৰৰ বাবে হোটেলত নিমন্ত্ৰণ কৰি তাৰ পিছত বন্ধুজনে কোনো কামৰ বাবে কোঠাৰ পৰা ওলাই যোৱাৰ সময়ত তেওঁক হাৰাশাস্তি কৰিবলৈ চেষ্টা কৰে। এই সন্দৰ্ভত আৰক্ষীয়ে গোচৰ ৰুজু কৰি ভিলগাৰ মাল্লু ট্ৰেভেলাৰক জেৰাৰ বাবে ফোন কৰে যদিও তেওঁ দেশৰ বাহিৰলৈ পলায়ন কৰিবলৈ সক্ষম হয়।
মহিলাগৰাকীয়ে ইউটিউব যোগেও তেওঁৰ সৈতে হোৱা নিৰ্যাতনৰ ঘটনা শ্বেয়াৰ কৰে। ইফালে এই অভিযোগ ভিত্তিহীন বুলি উল্লেখ কৰি ছাকিৰ সুভানে কয় যে মহিলাগৰাকীয়ে তেওঁক ব্লেকমেইল কৰিবলৈ চেষ্টা কৰিছে। লগতে তেওঁৰ বিৰুদ্ধে যি অভিযোগ দাখিল কৰা হৈছে সেয়া মিছা আৰু বিষয়টো ষড়যন্ত্ৰমূলক বুলিও কয়। লগতে মহিলাগৰাকীয়ে তেওঁৰ বিৰুদ্ধে যি অভিযোগ উত্থাপন কৰিছে, সেই অভিযোগ পৰ্যাপ্ত প্ৰমাণেৰে প্ৰতিহত কৰিব বুলিও তেওঁ কয়। ছাকিৰে দেশ এৰি যোৱাৰ বাবে বিষয়টোৰ সৈতে জড়িত তদন্ত পলম হোৱা বুলি আৰক্ষীয়ে জানিবলৈ দিয়ে।
