দুটা গোটৰ মাজত সংঘৰ্ষৰ ফলত দুজন আৰক্ষীৰ মৃত্যু আৰু কেইবাজনো আহত হোৱাৰ এদিন পিছত হাৰিয়ানাৰ নুহৰ পৰা ভয়ংকৰ নিস্তব্ধতাৰ ভিজুৱেল ওলাই পৰে য’ত পথত জ্বলি যোৱা বাহন আৰু জ্বলি যোৱা বাছ দেখা গৈছে। হিংসাত্মক পৰিস্থিতিৰ পিছতে নুহত ১৪৪ ধাৰা জাৰি কৰা হয় আৰু জিলাখনত আৰু সোহনা আৰু ফৰিদবাদত ইণ্টাৰনেট সেৱা বন্ধ কৰি দিয়া হৈছে যিটো বুধবাৰ (২ আগষ্ট)লৈকে বলবৎ হ’ব।
সংঘৰ্ষৰ পিছত সংঘটিত হোৱা হিংসাত্মক পৰিস্থিতিত দুজন পুলিচকে ধৰি মুঠ ৪ জন লোক আৰু এজন মুছলমান ধৰ্মগুৰু (ইমাম) আৰু পৰিচয় অজ্ঞাত এজন ব্যক্তিকে ধৰি দুজন সাধাৰণ নাগৰিকৰ মৃত্যু হয়। সোমবাৰে (৩১ জুলাই) গভীৰ নিশা বাতৰি অনুসৰি তিনিৰ পৰা চাৰিজন লোকে এজন মহম্মদ সাদ আৰু খুৰশ্বিদক আক্ৰমণ কৰাৰ অভিযোগ উত্থাপন হৈছে। আঘাতৰ ফলত সাদৰ মৃত্যু হোৱাৰ বিপৰীতে খুৰশ্বীদ গুৰুতৰভাৱে আহত হোৱা বুলি জানিব পৰা গৈছে।
খেদালী দৌলা থানাত নিয়োজিত হৈ থকা মৃত পুলিচ দুজনক নীৰজ আৰু গুৰছেভাক বুলি জানিব পৰা গৈছে। আৰক্ষীৰ মতে, হাৰিয়ানাৰ নুহত দুটা সম্প্ৰদায়ৰ মাজত সংঘটিত হোৱা সংঘৰ্ষত আহত আৰক্ষীক গুৰগাঁৱৰ মেদান্ত চিকিৎসালয়ত ভৰ্তি কৰোৱা হয়।
আৰক্ষীয়ে জনোৱা মতে, গুৰুগ্ৰামৰ পৰা মেৱাট অভিমুখে গৈ থকা অৱস্থাত আৰক্ষীৰ দলটোক আক্ৰমণ কৰে ৰাইজে। এই আক্ৰমণত কেইবাজনো আৰক্ষী আহত হয়।
হাৰিয়ানাৰ গৃহমন্ত্ৰী অনিল বিজে সংঘৰ্ষক “ষড়যন্ত্ৰ” বুলি অভিহিত কৰিছে।
হিংসাত্মক ঘটনা সন্দৰ্ভত প্ৰতিক্ৰিয়া দি হাৰিয়ানাৰ গৃহমন্ত্ৰী অনিল বিজে এই হিংসাৰ আঁৰত এটা ষড়যন্ত্ৰৰ ইংগিত দি কয়, “দুয়ো জনগোষ্ঠীয়ে দীৰ্ঘদিন ধৰি শান্তিপূৰ্ণভাৱে নুহত থাকি আহিছে। ইয়াৰ আঁৰত এটা ষড়যন্ত্ৰ আছে। ইয়াৰ আঁৰত এটা মাষ্টাৰমাইণ্ড আছে যেন লাগে। আমি বিশদ তদন্ত কৰিম আৰু ইয়াৰ সৈতে জড়িত লোকসকলৰ বিৰুদ্ধে কঠোৰ ব্যৱস্থা গ্ৰহণ কৰিম।”
