অসম চৰকাৰে বৃহস্পতিবাৰে প্ৰকাশ কৰা অনুসৰি বিগত দুবছৰৰ ভিতৰত ৰাজ্যত মুঠ ৮,৬৩২জন ড্ৰাগছ সৰবৰাহকাৰীক গ্ৰেপ্তাৰ কৰা হৈছে।
বিধানসভাত ২০২৩-২৪ বৰ্ষৰ বাজেট দাখিল কৰি বিত্তমন্ত্ৰী অজন্তা নেওগে কয় যে বিজেপি নেতৃত্বাধীন চৰকাৰে ড্ৰাগছৰ আশংকাক লৈ “পূৰ্ণাংগ যুদ্ধ” চলাইছে।
‘২০২৩ চনৰ ২ মাৰ্চলৈকে এনডিপিএছ আইনৰ অধীনত ৫১৯১টা গোচৰ ৰুজু হৈছে আৰু ৮৬৩২টা ড্ৰাগছ সৰবৰাহকাৰীক গ্ৰেপ্তাৰ কৰা হৈছে।’ -বিত্তমন্ত্ৰীয়ে কয়।
নেওগে কয় যে বৰ্তমান চৰকাৰৰ কাৰ্যকালত সৰবৰাহকাৰীৰ হাতত ২২১ কেজি হেৰ’ইন, ৬৭,৮৬৪ কেজি গাঞ্জা আৰু ৩,৩১৭ কেজি পপি ষ্ট্ৰ’কে ধৰি অন্যান্য নিষিদ্ধ সামগ্ৰী জব্দ কৰা হৈছে।
‘তদুপৰি ২০২২ চনৰ ৩১ ডিচেম্বৰলৈকে মানৱ সৰবৰাহৰ ২০৩টা গোচৰ পঞ্জীয়ন কৰা হৈছে, ১৭৩টা মানৱ সৰবৰাহকাৰীক গ্ৰেপ্তাৰ কৰা হৈছে আৰু ৩৫৮টা ভুক্তভোগীক উদ্ধাৰ কৰা হৈছে।’
“তদুপৰি, অসমত শেহতীয়া ইতিহাসত প্ৰথমবাৰৰ বাবে ২০২২ চনত গঁড়ৰ চোৰাং চিকাৰ শূন্য বুলি অভিহিত কৰা হৈছে,” মন্ত্ৰীগৰাকীয়ে বাজেট ভাষণত কয়।
