দলগাৱঁৰ শিয়ালমাৰী উন্নয়ন খণ্ডত চুৰি কাণ্ডৰ ঘটনা ।দিন দুপৰতে চৰকাৰী কাৰ্যালয়ত চুৰি কাৰ্য্য ।হাতে লোটে ধৰি আৰক্ষীক গতালে শুভম দাস নামৰ চুৰটোক ।খাৰুপেটীয়াত দিন দুপৰতে সংঘটিত হৈছে চুৰি কাণ্ডৰ ঘটনা । দৰঙৰ দলগাঁও শিয়ালমাৰী উন্নয়ন খণ্ডত দীৰ্ঘ দিন ধৰি সংঘটিত হৈ আহিছে চুৰি কাণ্ডৰ ঘটনা । আজি দিন দুপৰতে চুৰি কাৰ্য্য কৰি থকা অৱস্থাত ৰাইজে প্ৰত্যক্ষ কৰি আৱদ্ধ কৰে । অভিযোগ মতে , দলগাঁও শিয়ালমাৰী উন্নয়ন খণ্ডৰ চৌহদত নিৰ্মাণ হৈ থকা বিবাহ ভৱনৰ পৰা ৰঙৰ বস্তা চুৰি কৰি থকা অৱস্থাত নাইট চকীদাৰে ৰাইজৰ সহযোগত চুৰটোক হাতে লোটে ধৰি ধূলা আৰক্ষী থানাত খবৰ দিয়ে । উক্ত খবৰৰ ভিত্তিত ধূলা আৰক্ষী থানাৰ এটা দল ঘটনা স্থলীত উপস্থিত হৈ ৰঙৰ বস্তা সহ চুৰটোক থানালৈ লৈ যায় । উল্লেখযোগ্য যে , ধৃত শুভম দাস নামৰ চুৰটোৱে ইয়াৰ পূৰ্বে উন্নয়ন খণ্ডৰ নাইট চকীদাৰৰ কোঠালীৰ পৰা এখন পানী তোলা মটৰ চুৰি কৰিছে । এই কথা নিজ মুখে স্বীকাৰ কৰে ধৃত চুৰ শুভম দাসে । আৰক্ষীয়ে ইয়াৰ বিৰুদ্ধে কঠোৰ ব্যৱস্থা গ্ৰহণ কৰাৰ দাবী জনাইছে দলগাঁও শিয়ালমাৰী উন্নয়ন খণ্ডৰ নাইট চকীদাৰ আব্দুল জুব্বাৰ ।
