অসম ৰাজ্যিক কাৰাটে সংস্থাৰ নৱনিৰ্বাচিত উপ সভাপতি ডঃ ৰঞ্জন কুমাৰ কাকতিক গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ সম্বৰ্ধনা

গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক ডঃ ৰঞ্জন কুমাৰ কাকতিক তেওঁ অসম ৰাজ্যিক  কাৰাটে  সংস্থাৰ ( এ এছ কে এ ) নতুনকৈ উপ সভাপতিৰ দৰে সন্মানীয় আৰু গুৰুত্বপূৰ্ণ পদবী লাভৰে বিশ্ববিদ্যালয়লৈ গৌৰৱ কঢ়িয়াই অনা বাবে ১৩ মে’ত গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাই কাৰ্যালয়ত সম্বৰ্ধনা জনায় । সন্থাৰ সভাপতি হেমেন কলিতা আৰু সাধাৰণ সম্পাদক বিকি শৰ্মাৰ নেতৃত্বত যোৱা সজাতি দলটোৱে ডঃ কাকতিক ফুলৰ থোপা আৰু গামোচাৰে সম্বৰ্ধনা জনোৱাৰ লগতে তেওঁৰ নতুন দায়িত্বই গুৱাহাটীকে ধৰি অসমৰ বিশ্ববিদ্যালয় সমূহৰ ক্ৰীড়াৰ ক্ষেত্ৰখনত উত্তৰণৰ দিশত অৱদান আগবঢ়াব বুলি আশা প্ৰকাশ কৰে ।